Notum sit omnibus quod cum diversis temporibus inter priores diversos et eorum conventus Tuttesbir[] ac rectores diversos ecclesie de Duffeld[] coram judicibus tam delegatis a domino papa quam ordinariis super decimis omnibus tam majoribus quam minoribus provenientibus de assartis factis et faciendis in parochia de Duffeld[] mote fuissent questiones Cumque denuo anno domini m cc quinquagesimo tercio inter Robertum de Stretton[] rectorem dicte ecclesie de Duffeld[] petentem ex una parte et Willelmum tunc priorem et conventum de Tuttesbir[] reluctantes ex altera super prefatis decimis suborta esset materia questionis tandem quartodecimo k[a]l[] Julii anno prenotato contencio super eisdem decimis per amicabilem composicionem de parcium spontanea voluntate intervenienteque consensu expresso nobilis viri domini Willelmi de Ferrar[] comitis Derb[] utriusque ecclesie patroni sub hac forma conquievit videlicet quod dicti prior et conventus eorumque successores inperpetuum percipient totam decimam pannagii venacionis et mellis de tota foresta de Duffeld[] et decimas provenientes de veteri dominico in tota parochia dicte ecclesie de Duffeld[] secundum quod ante tempus istius composicionis eas percipere consueverunt absque contradiccione perturbacione et impedimento dicti Roberti et suorum successorum Sepedictus vero Robertus et successores sui omnes alias decimas tocius parochie de Duffeld[] tam majores quam minores extantes et accrescentes absque contradiccione et impedimento dictorum prioris et conventus percipient inperpetuum Prenominatus quidem Robertus ejusque successores rectores ecclesie de Duffeld[] pro bono pacis necnon et in recompensacione decimarum quas percipere consueverant sepedicti prior et conventus de assartis in prenotata parochia de Duffeld[] decem libras sterlingorum de bonis ecclesie de Duffeld[] annuatim apud Tuttesbir[] ad duos anni terminos plenarie persolvent inperpetuum dictis priori et conventui et eorum successoribus videlicet ad festum beati Martini yemalis centum solidos et ad festum nativitatis beati Johannis Baptiste centum solidos adeo quod quicumque fuerit successive rector in eadem ecclesia instituendus post suam institucionem infra duos menses veniet apud Tuttesbir[] et in capitulo monachorum fidelitatem juramento corporali prestito faciet quod dictas decem libras suis terminis et loco fideliter et integre persolvet Partes vero prenominate pro se et suis successoribus impetratis et impetrandis processibus quibuscumque super premissis omnibus et singulis habitis et omni excepcioni cavillacioni regie prohibicioni fori privilegio et cujuslibet alterius auxilii canonici vel civilis expresse renunciantes jurisdiccioni Coventr[] et Lichfeld[] episcopi qui pro tempore fuerit seu decani Lich[] si forsan sedem vacare contigerit specialiter se subjecerunt ut eisdem liceat partem qualitercumque renitentem per sentenciam suspencionis excommunicacionis vel interdicti competenti tamen monicione premissa ad omnium et singulorum supradictorum observacionem nec non ad solucionem decem marcarum pro voluntatis arbitrio dictorum episcopi seu decani in pios usus convertendarum nomine pene quocienscumque et quandocumque commissa fuerit sine strepitu judiciali presenti composicione rata permanente compellere ita quod dicta suspencio excommunicacio vel interdictum donec de dampnis expensis et interesse parti composicionem istam observanti a parte eam observare nolente plenarie fuerit satisfactum nullatenus relaxetur In cujus rei testimonium partes alternatim huic instrumento una cum sigillo predicti domini comitis Derb[] sigilla sua apposuerunt in presencia testium subscriptorum videlicet magistri Radulfi thesaurarii Lich[] ecclesie Hugonis de Meynill[] Roberti de Mercinton[] magistri Gilberti de sancto Leofardo magistri Willelmi de Yrton[] Johannis de Tuiforde Jacobi de Bakepuiz et aliorum

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.