Omnibus sancte matris ecclesie filiis hoc presens scriptum visuris vel audituris Robertus de Ferr[] filius et heres nobilis viri domini Willelmi de Ferr[] quondam comitis Derbeye salutem in domino sempiternam Noveritis me divine pietatis intuitu et pro salute anime mee et antecessorum et successorum meorum in ligia et plenaria etate mea dedisse concessisse et hac presenti carta mea confirmasse priori et conventui de Tuttesbur[] et successoribus suis in liberam puram et perpetuam elemosinam totum redditum meum omnium hominum meorum et terrarum suarum in villa de Coston sicut de me tenuerunt una cum homagiis wardis releviis escatis et omnimodis eorum serviciis et consuetudinibus ubique et in omnibus infra villam et extra et una cum libera curia mea et omnium ejus secta in eadem villa nichil michi vel heredibus meis inde retinendo excepto homagio Johanne sororis mee et heredum suorum et duobus cotagiis et eorum terris que ad homagium ipsius Johanne pertinent Dedi eciam et concessi eisdem priori et conventui unam virgatam terre cum pertinenciis in Rolueston[] quam Robertus de Scropton[] tenet una cum ipso Roberto nativo meo et tota sequela sua et omnibus catallis suis et cum advocacione ecclesie ejusdem ville Concessi eciam eisdem priori et conventui quod ipsi et eorum successores inperpetuum habeant omnia amerciamenta et omnes emendas quocumque modo eveniant que ad me vel ad heredes meos pertinent vel pertinere poterunt de omnibus tenentibus suis tam liberorum quam villanorum infra hundredum de Apeltre residencium et summoniciones et athachiamenta et eciam placita hundredum nostrum de Apeltre contingencia de dictis hominibus fiant per ballivos nostros et dicti homines amercientur ad voluntatem dicti prioris et successorum suorum vel ballivorum suorum et amerciamenta illa et emendas inde capiant et habeant sine impedimento mei vel heredum meorum seu ballivorum meorum inperpetuum Dedi eciam et concessi dictis priori et conventui unam caretam cotidie euntem in foresta mea et in bosco meo de Nedewode una cum duabus caretis quas prius habuerunt de dono antecessorum meorum ad eundum capiendum et cariendum boscum sicut prius facere consueverunt et insuper liberam viam juxta vivarium meum de Nedewode quod est inter Stokel[] et hayam de castello ad dictum boscum et alia sua necessaria carianda sine contradiccione vel impedimento mei vel heredum meorum inperpetuum Concedo eciam dictis priori et conventui quod si aliqui serviencium seu caretariorum suorum infra forestam aliquo casu deliquerunt quod ipsi servientes et caretarii de mercede sua michi et heredibus meis pro transgressione respondeant et dicti prior et conventus inperpetuum inde remaneant quieti et indempnes nec aliquo modo exinde inquietentur Et habeant omnes porcos suos liberos a pannagio et liberam pasturam ad omnia animalia sua infra predictam forestam sicut prius habere consueverunt Hec omnia predicta dedi et concessi eisdem priori et conventui in liberam puram et perpetuam elemosinam sicut aliqua elemosina liberius et quiecius dari potest vel recepit Et ego Robertus et heredes mei omnia predicta predictis priori et conventui ut predictum est contra omnes warantizabimus adquietabimus et defendemus inperpetuum In cujus rei robur et testimonium huic presenti scripto pro me et heredibus meis sigillum meum apposui Hiis testibus magistro Radulfo de Chadden[] tunc thesaurario Lich[] domino Willelmo de la Lande Henrico de Bek Roberto de Piru Roberto de Maelebur[] militibus magistro Johanne de Weston[] Johanne filio Henrici le Fleming[] de Coston[] Galefrido Bernardo Stephano le Bret[] Stephano de Yrton[] Henrico Oweyn[] et aliis Datum apud Tuttesbir[] die lune proxima ante festum sancte Lucie virginis anno gracie m cc sexagesimo primo

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.