Omnibus Christi fidelibus presens scriptum visuris vel audituris Rogerus de Ridewar salutem in domino Noverit universitas vestra quod cum contencio mota esset inter me ex una parte et dominum priorem et conventum de Thurg[] ex altera super dampnis et injuriis a me eisdem illatis usque ad Pascha anno domini millesimo cc lx et super exaccione quadam de franco plegio et aliis forinsecis contra libertates eorumdem prioris et conventus a me exactis in hunc modum quievisse videlicet quod ego bona fide promisi me stare ordinacioni et arbitrio domine Matilde Pecche matris mee tam ad emendanda dampna et injurias eisdem illata si probata fuerint quam ad warantizandum et defendendum eosdem et eorum successores de omnibus forinsecis serviciis spectantibus ad duas virgatas terre in Boileston[] quas habent de dono dicte Matilde secundum cartam feoffacionis eorumdem ita tamen quod si me adjudicaverit eos debere deffendere et acquietare eosdem de forinsecis inperpetuum defendam et acquietabo Sin autem racione istius scripti in nullo eis tenear nisi in quantum ante confeccionem hujus scripti eis tenebar interim omnibus libertatibus eorum salvis sub pena x marcarum baillivo qui pro tempore fuerit de Tuttebir[] solvendarum si contra ordinacionem predicte Matilde venire presumpsero aut citra ordinacionem ejusdem eorum libertates in aliqua perturbavero In cujus rei testimonium etc

Source Fulltext: Thurgaton Cartulary. T. Foulds. Paul Watkins Medieval Studies, 8. Paul Watkins. Stamford. 1994.