Omnibus Christi fidelibus presens scriptum visuris vel audituris Henricus abbas Ruffordie et eiusdem loci conventus salutem in Domino Noveritis nos concessisse relaxasse et omnino quietumclamasse Willelmo filio Willelmi de Lentone in Notingham et heredibus suis vel assignatis totum jus nostrum et clameum quod habuimus vel habere poterimus in quodam mesuagio cum pertinentiis et edificio ibidem constructo quod jacet super Corneram in vico carnificum Notingham inter capitale mesuagium quondam Gilberti Tony ex parte orientali et capitale mesuagium quondam Walteri filii Danielis de Suthorp[] ex parte boriali tenend et habend sibi et heredibus suis vel assignatis de nobis et successoribus nostris in perpetuum reddendo inde annuatim nobis et successoribus nostris ad officium pitanciarum conventus duos solidos argenti ad duos anni terminos scilicet ad festum Inventionem sancte Crucis duodecim denarios et ad festum sancti Martini in hyeme duodecim denarios pro omni seculari servicio exactione et demanda In cuius rei testimonium presenti scripto cyrograffato partes alternatim sigilla sua apposuerunt Hiis testibus Willelmo de Normantone tunc maiore Notinghamie Willelmo de Depingge Stephano le Especer tunc ballivo de eadem Roberto Baft Benedicto Hunt Willelmo clerico et aliis

Source Fulltext: Rufford Charters. C. J. Holdsworth. Thoroton Society Record Series, V.29. Thoroton Society of Nottinghamshire. Derry & Sons. Nottingham. 1972.