Notum sit omnibus praesens scriptum visuris vel audituris quod cum inter magistrum Elyam de Derham canonicum Sarum nomine praebendae suae de Lavinctune et Johannem Rufum de Ymmere super decimis tam majoribus quam minoribus totius tenementi sub quod habet in Ymmere coram magistro Waltero de Fissertone et domino Roberto rectore capellae beati Thomas Sarum auctoritate domini Hunfredi archidiaconi Sarum loci ordinarii cognoscentibus quaestio verteretur demum partibus in praesentia dictorum judicum constitutis ad instantiam magistri Adae cancellarii Sarum et aliorum discretorum de capitulo ejusdem ecclesiae lis inter eos amicabiliter conquievit sub hac forma videlicet quod dictus Johannes Rufus et haeredes sui ac caeteri successores ejusdem clericos suos successive ad electionem et voluntatem dicti Johannis et haeredum ac successorum suorum dicto magistro Elyae ac successoribus suis qui pro tempore dictam praebendam possidebunt ad praefatas decimas libere et sine contradictione tanquam patroni earundem in perpetuum praesentabunt et dictus magister Elyas et successores sui clericos pro tempore praesentatos a praefato Johanne et successoribus suis a dicto magistro Elya et successoribus suis examinatos absque malitia et cavillatione ad dictas decimas nomine praebendae de Lavinctune admittent et investient eosdem Si autem clericus pro tempore praesentatus ad dictas decimas minus idoneus reperiatur remanebunt dictas decimae in sequestrum penes magistrum Elyam et successores suos donec idoneus repraesentetur ad easdem ita tamen quod canonicus qui pro tempore dictam praebendam possidebit praetextu retentionis dicti sequestri in examinatione dictorum clericorum se difficilem non exhibebit vel malitiosum Dicti vero clerici qui dictas decimas pro tempore possidebunt excepto Nicholao de Wiche quem praefatus magister Elyas ad praesentationem praefati Johannis Rufi dictis decimis investivit quo etiam praesente et consentiente haec omnia fuerant actitata unam marcam argenti magistro Elyae et successoribus suis nomine perpetuae pacis annuatim apud Lavinctone persolvent ad duos anni terminos scilicet infra octabas S Michaelis dimidiam marcam et infra octabas Paschae dimidiam marcam Dictus vero Nicholas de Wiche quamdiu decimas illas possidebit dimidiam marcam tantum magistro Elyae et successoribus suis persolvet eodem mode quo scilicet eo successores sui cedente vel decedente praedictam marcam persolvent et ad eosdem terminos scilicet infra octabas S Michaelis quadraginta denarios et infra octabas Paschae quadraginta denarios Ita scilicet quod dicti magistri Elyas et Johannes vel successores sui plus juris quam supradictum est in dictis decimis vendicare non possint Dicti etiam clerici qui pro tempore decimas illas tenebunt juramentum fidelitatis et canonicam magistro Elyae et successoribus suis obedientiam praestabunt et quod dictam pecuniam prout superius est expressum sine fraude dolo et cavillatione persolvent Hanc vero compositionem in perpetuum fideliter tenend magister Elyas nomine praebendae suae de Lavinctone pro se et successoribus suis et praefatus Johannes pro se at haeredibus suis corporaliter affidaverunt [ad majorem etiam securitatem ut haec eadem compositio realis et inconcussa perpetuis temporibus perseveret tam praefati judices quam etiam partes eam sigillorum suorum munimine roborarunt et dominus Robertus episcopus Sarrum ejusdemque loci capitulum eandem inperpetuum valituram confirmarunt His testibus domino Roberto decano Sarrum et dominis Rogero praecentore Ada cancellario Sarrum Stephano archidiacono Wiltes Egidio archidiacono Berkes Rogero succentore magistro Thoma subdecano magistro Galfrido penitentiario magistro Ricardo de la Cnolle canonicis Sarrum et aliis Actum apud Sarr[] in crastino Assumptionis beatae Mariae anno Domini m cc xxx viii

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.