Universis Christi fidelibus ad quos praesens scriptum pervenerit e[gidius de Bourne] prior de Merton et ejusdem loci conventus salutem aeternam in Domino Ordinationem quam dilecti in Christo W archidiac Berksyre et magister E de Derham canonici Sarum de ecclesiis de Tarante Kaaignes de Cumbe et de Lulleworth et de Sumerford de unanimi venerabilis patris r[icardi] Sarum episcopi consensu et nostro fecerunt ratam habentes et gratam totam ecclesiam de Tarente cum omni jure tam personatus quam patronatus ad eam pertinente dicto venerabili patri r[icardo] Sarum episcopo et ejusdem successoribus concedimus qui de terris ac fructibus dictae ecclesiae sanctimonialibus de Tarent quam viderit expedire portionem assignabit earum propriis usibus profuturam Quod si cartae vel instrumenta aliqua habuerimus praefatis ordinationi et concessioni contraria quantum ad easdem ordinationem et concessionem pertinet cassa sunt et inutilia nullas omnino vires habitura Ad majorem autem memoratae ordinationis et concessionis firmitatem praesenti scripto sigillum capituli nostri et nostrum est appensum sive appositum

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.