Omnibus sanctae matris ecclesiae filiis ad quos praesens scriptum pervenerit Ricardus Dei permissione Sarum ecclesiae minister humilis salutem aeternam in Domino Noverit universitas vestra nos de assensu Nicholai rectoris ecclesiae de Superete et Johannis Launcelevee patris ejus ad petitionem Johannis filii Helyae et Thomae Chepe et parochianorum de Mortesterne statuisse et episcopali auctoritate confirmasse quod capella de Mortesterne plenum et integrum de caetero habeat servitium per capellanum personae de Superet qui capellanus ibidem personaliter residens capellae praedictae deserviet Praedicti vero Johannes filius Helyae et Thomas Chepe pro salute animarum suarum et haeredum suorum dictae capellae de Mortesterne ad sustentationem capellani in praedicta capella divine celebraturi x acras terrae concesserunt et dederunt Johannes autem praenominatus iv acras in uno clauso quas Alanus frater suus tenuit ad aedificationem et curtilagium faciendum cum quadam mara quae pertinet eidem tenemento dictus Thomas duas acres et dimidiam unam scilicet apud Cnollam [quae vocatur Gothacra] et alteram apud Lanceland versus occidentem proximam terrae Walteri Faite in Blakeland et dimidiam acram super Cnollam intra terram Walteri Faite ubi praedictus Thomas habet novem acras Thomas Gaiperinus dimidiam acram super Sorcestre haeredes de Bremelam unam acram et dimidiam scilicet quae jacet sub prato de Bremelam et alteram dimidiam acram quae jacet juxta terram personae de Paret Quod si praedicti haeredes non possunt warentizare dictus Johannes debet hoc warentizare Bartholomaeus unam acram et dimidiam scilicet apud Hernesberge et alteram dimidiam acram apud Kenlege Stephanus de Nemore dimidiam acram quae jacet super Standene Sampson de Langele dimidiam acram quae jacet juxta divisas Radulfi de Vallibus Item praedicti Johannes et Thomas concesserunt quolibet anno duas carectas de busca ad focum capellani ibidem residentis et decimas feni et molendini integre persolvere et quod dictus capellanus communionem habeat in pasture ejusdem villae quantum pertinet ad tantum terrae Hanc autem ordinationem a praedictis omnibus pro se et successoribus suis et haeredibus suis jurisjurandi interpositione firmatam auctoritate pontificali confirmavimus relinquentes in posterum in testimonium hujus nostrae ordinationis hanc cartam nostram sigillo nostro communitam salvis in omnibus jure auctoritate [et] dignitate Sarum ecclesiae et nostra Datum ad Novum Locum apud Veteres Sarisbirias iv kal Julii pontificatus nostri anno secundo His testibus magistro Willelmo praecentore Sarum magistro Willelmo de Mertune canonico Sarum dominis Ricardo de Mapeldur [maupodre] Johanne Roberto et Galfrido capellanis et Gileberto persona de Stapelbrigge et Ada clerico et aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.