Omnibus Christi fidelibus ad quos praesens scriptum pervenerit Jordanus Sarum decanus et Hugo abbas Radingensis et magister Bartholomaeus et magister Symon de Scalis officiales domini Huberti Sarum episcopi salutem in Domino Noverit universitas vestra nos inspecta paupertate et indigentia monasterii de Syreburne divinae pietatis intuitu auctoritate domini nostri Huberti Sarum episcopi qua fungimur concessisse et confirmasse Willelmo abbati de Syreburne et successoribus suis et monachis Deo ibidem servientibus ut liceat eis omnes fructus et utilitates ecclesiarum de Stapelbrige et de Stokes in proprios usus convertere cum eas vacare contigerit salva rationabili sustentatione perpetuorum vicariorum qui in eisdem ecclesiis ministrabunt ita videlicet ut vicarius de Stapelbrige habeat totum tenementum quod Sewale habuit de tenemento illius ecclesiae et omnia alia ad ecclesiam illam pertinentia praeter liberam terram et omnes decimas tam garbarum quam minutas quae in perpetuum deputabuntur in opus sacristariae de Syreburne Idem etiam vicarius habebit communem pasturam et praeterea unum equum et quatuor animalia in dominica pastura abbatis et ille sustinebit omnia onera episcopalia Vicarius autem de Stokes habebit omnia illa ad ecclesiam de Stokes pertinentia quae Gerruddus consuevit habere et onera episcopalia sustinebit caetera vero deputabuntur ad vestitum monachorum de Syreburne Concedimus etiam et confirmamus ut cum ecclesia de Corscumba vacare contigerit liceat praefatis monachis percipere inde annuatim duas marcas Facta est autem haec indulgentia anno ab Incarnatione Domini mcxci viii Id Junii Testibus etc

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.