Memorandum quod in festo Purificacionis beate Marie anno regni regis Edwardi filii regis Henrici tricesimo primo ita convenit inter Willelmum de Solers de Shypton[] ex parte una et dominum Henricum abbatem Cirencestr[] et eiusdem loci conventum ex altera videlicet quod predictus Willelmus concessit pro se et heredibus suis quod dicti abbas et conventus per ballivos suos tenebunt annuatim apud Shypton[] Peleye duos visus franciplegii de terminis sancti Martini et Hockeday sicut antiquitus facere consueverunt ad quos visus decennarius de Shipton[] Pelye per ipsos ballivos factus et juratus cum sua integra decena et omnes libere tenentes eiusdem ville venient coram eisdem ballivis et ibi per sacramentum presentabunt omnes defaltas tam liberorum quam aliorum in decena existendum assisam panis et cervisie fractam sanguinem extractum et hutesium levatum cumelingos et omnia alia que pertinent ad visum franciplegii tenend Et dicti abbas et conventus emendas et omnia amerciamenta inde quoquo modo proveniencia plenarie percipient imperpetuum sine contradiccione dicti Willelmi vel heredum suorum Et dictus Willelmus et heredes sui dabunt annuatim predictis abbati et conventui et eorum successoribus imperpetuum quinque solidos de certo redditui ad predictos terminos pro equali porcione ibidem solvendos pro hospicio suo quod antiquitus solebant habere in Shypton[] Pelye Quod si dicta solucionem terminis statutis non fecerint obligant omnes terras et tenementa bona et catalla sua tam in Shipton Pelye quam in Shipton Tyrel districcionibus ballivorum predictorum abbatis et conventus donec eisdem abbati et conventui de predicto redditu in plenum fuerit satisfactum In cuius rei testimonium huic scripto indentato partes sigilla sua alternatim apposuerunt

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.