Hec est finalis concordia facta in curia domini regis apud Westmonasterium a die sancti Johannis Baptiste in quindecim dies anno regni regis Henrici filii regis johannis tricesimo septimo coram Rogero de Thurkelby Alano de Watsaund Egidio de Erdington[] et Willelmo Trussel justiciariis et aliis domini regis fidelibus tunc ibi presentibus inter Rogerum abbatem de Cirenc[] querentem per Johannem de Toucestr[] positum loco suo ad lucrandum vel perdendum et Simonem de Mattresdona et Aliciam uxorem eius deforciantes de meditate unius molendini cum pertinenciis in Cirenc[] unde placitum convencionis summonitum fuit inter eos in eadem curia scilicet quod predicti Simon et Alicia recognoverunt predictam medietatem predicti molendini cum pertinenciis esse jus ipsius abbatis et ecclesie sue de Cirenc[] et illam remiserunt et quietam clamaverunt de se et heredibus ipsius Alicie predicto abbati et successoribus suis et ecclesie sue predicte imperpetuum Et pro hac remissione quietaclamancia fine et concordia idem abbas ad peticionem predictorum Simonis et Alicie concessit pro se et successoribus suis et ecclesia sua predicta quod ipsi de cetero reddent singulis annis priori hospitalis sancti johannis jerlm[] et[] successoribus suis et fratribus dicti hospitalis duodecim denarios ad festum sancti Martini apud Quenynton[] imperpetuum

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.