Hec est finalis concordia facta in curia domini regis apud Westmonasterium a die sancti johannis Baptiste in quindecim dies anno regni regis Edwardi filii regis Henrici septimo coram Thoma Welond Waltero de Helyun Johanne de Lovetot Rogero de Leicestr[] et Willelmo de Bomton[] justiciariis et aliis domini regis fidelibus tunc ibi presentibus inter Walterum de Chilteham querentem et Henricum abbatem de Cirenc[] deforciantem per Johannem le Mareschal positum loco suo ad lucrandum vel perdendum de uno molendino cum pertinenciis in Cir[] unde placitum convencionis summonitum fuit inter eos in eadem curia scilicet quod predictus Walterus recognovit predictum molendinum cum pertinenciis esse jus ipsius abbatis et ecclesie sue de Cir[] ut illud quod idem abbas et ecclesia sua predicta habent de dono predicti Walteri Et pro hac recognicione fine et concordia idem abbas concessit predicto Waltero predictum molendinum cum pertinenciis habend et tenend eidem Waltero de predicto abbate et successoribus suis et ecclesia sua predicta tota vita ipsius Walteri reddendo inde per annum unam rosam ad Nativitatem sancti johannis Baptiste pro omni servicio consuetudine et exaccione ad predictum abbatem et successores suos et ecclesiam suam predictam pertinente et faciendo inde capitalibus dominis feodi illius pro predicto abbate et successoribus suis et ecclesia sua predicta omnia alia servicia que ad illud molendinum pertinent Et post decessum ipsius Walteri predictum molendinum cum pertinenciis integre revertetur ad predictum abbatem et successores suos et ecclesiam suam predictam quiete de heredibus ipsius Walteri tenend de capitalibus dominis feodi illius per servicia que ad illud molendinum pertinent imperpetuum

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.