Pateat universis per praesentes quod ego Johannes de Wyntringham presbiter celebrans pro Domino Rege Angliae in ecclesia Sancti Johannis Beverlacensis promitto sponte pure et absolute quod si contingat in futurum quod absit me convinci posse per Capitulum Beati Johannis Beverlacensis vel auditorem ejusdem seu ejus locum tenentem super incontinentia vel lapsu carnis committendis cum aliqua de filiabus Thomae de Virly seu cum Albreda de Tadcastre cum quibus coram dicto Capitulo fateor me peccasse judicialiter seu cum alia muliere aliquali Ego ex tunc vere suspensus et per dictum Capitulum ab omni beneficio et officio capiendo sive exercendo per dictum Capitulum canonice amotus et privatus a dicta ecclesia totaliter recedam sine mandato seu monitione aliquali ad perpetuum non reversurus sine gracia dicti Capituli speciali Evitabo insuper loca suspecta et cohabitationem cum dictis mulieribus seu aliis quibuscunque dum ero in servitio in ecclesia supradicta sub poena superius annotata et per juramentum a me in sancta Dei evangelia praestitum corporaliter In cujus rei testimonium praesenti scripto ad perpetuam rei memoriam registrando in facie dicti Capituli sigillum meum apposui Testibus Dominis Alano de Humbleton Roberto de Sigelstorn Hugone de Otringham Bernardo de Kyrkeby vicariis in ecclesia praedicta et aliis Datis et actis judicialiter in dicto Capitulo Beverlacensi coram Magistro Wyllelmo de Lyncoln Henrico de Carleton Willelmo de Haxby canonicis in ecclesia praedicta Kalendis Aprilis A[nno] D[omini] m ccc tertio

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.