[...] et de residuo quatuor solidorum ipse et heredes vel assignati sui emendabunt et preparabunt domos super eandem terram positas et sepes et alios domos si eisdem placuerit desuper edificabunt per visum bonorum hominum Et si ipse Alexander et heredes vel assignati ejus plus de proprio custo in emendacione et preparacione domorum et sepium et in edificacione super eandem terram quam residuum quatuor solidorum salvo redditu domino feodi per visum bonorum hominum posuerint ego et heredes mei eidem Alexandro et heredibus vel assignatis suis totum custum eorum ad terminum duodecim annorum predictorum integre completorum plene restituemus vel si restituere non poterimus predictam terram cum pertinentiis omnibus ipsi habebunt et tenebunt per predictum servicium donec inde custos suos omnes plenarie receperint Et si ego vel heredes mei post complecionem duodecim annorum predictorum eandem terram alicui ulterius ad firmam tradere voluerimus vel in feodo assidere ipse Alexander et heredes sui vel ejus assignati propinquiores erunt [...]

Source Fulltext: The Early Records of Medieval Coventry. P. R.Cross. Records of Social and Economic History, New Series 11. British Academy. Oxford University Press. London. 1986.