Notum sit omnibus hoc scriptum uisuris uel audituris quod hec conuentio facta inter symonem filium symonis de reines ex una parte et ricardum capellanum filium rogeri de paskedene ex altera uidelicet quod predictus symon et heredes scilicet debent inuenire dicto ricardo et heredibus suis uel suis assignatis et heredibus eorum unum cheminum a prato predicti ricardi in parochia de parua reines quod quidem iacet sub Bosco qui uocatur pollardeshei usque ad regale cheminum ducens de potenham uersus ecclesiam de parua reines ad fugandum et cariandum eundum et redeundum quocienscumque necessitatem habuerint singulis annis a natiuitate sancti Johannis baptiste usque ad festum omnium sanctorum et inueniet dictum cheminum in prato dicti symonis proximo iuxta dictum pratum ad quod concessum est dictum cheminum et ducet sub sepe dicti [dicti] Gardini dicti symonis usque ad uenellam ducentem a domo dicti symonis usque ad predictum regalem cheminum Dictus uero Ricardus et heredes sui uel sui assignati et eorum heredibus ita per prata et per campos dicti symonis transibunt quod dictus symon uel heredes sui a bestiis dicti ricardi uel heredum suorum nullum dampnum incurrant Quod si contigerit dictum symonem uel heredes suos a dictis bestiis transeuntibus aliquod dampnum sensisse dictus ricardus et heredes uel assignati sui per uisum proborum uirorum et fidedignorum totum predictum dampnum sine omni contradictione illorum uel alicuius per illos incontinenti plenarie eis restaurabunt Alioquin licebit dicto symoni et heredibus suis aueria dicti ricardi et heredum suorum imprecare donec a dampno eius illato plenaria facta fuerint emenda Pro hac autem concessione et huius chemini inuentione dictus ricardus et heredes [uel heredes] uel assignati sui et heredes eorum soluent dicto symoni et heredibus suis annuatim i denarium scilicet ad pascha pro omni seruicio consuetudine et seculari demanda Dictus autem symon et heredes sui inuenient dicto Ricardo et heredibus uel assignatis suis et heredibus eorum predictum cheminum sicut predictum est in perpetuum Hec conuentio facta fuit anno regni regis Henrici filii Johannis xxx ui ad pentecostem Ad hec omnia predicta firmiter obseruanda huic scripto in modo cirografi confecto alternatim sigilla sua apposuerunt Hiis testibus etc

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.