Anno regni regis Henrici filii regis Iohannis xxxvj facta fuit ista conuentio ad festum sancti Michelis inter priorem et conuentum de Luffelde ex una parte et Walterum filium Radulphi de Chaldeston ex altera scilicet quod predictus Walterus tradidit ac dimisit dicto priori et conuentui de Luffeld totam terram suam cum pertinentiis suis in uilla de Selueston quam habuit uel habere potuit de hereditate Aueline uxoris sue saluo mesuagio quod Roysa tenuit tenend et habend dictam terram cum pertinentiis usque in decem annos continue completos Dictus uero Walterus et heredes sui dictam terram cum pertinentiis dicto priori et monachis contra omnes gentes usque ad predictum terminum warantizabunt Dictus uero prior et conuentus dictum Walterum et heredes suos de dicta terra uersus omnes gentes acquietabunt saluo iustitiarios domini regis Dicta uero terra cum pertinentiis post dictum terminum dicto Waltero et heredibus suis quieta et soluta sine aliquo retenemento redibit Et si forte euenerit quod dictus prior et conuentus aliquas expensas incurrerunt uel dampna pro defectu warantie dicti Walteri uel heredum suorum durante termino sustinuerunt dictus Walterus et heredes sui dictas expensas et dampna dicto priori et monachis sine lite et contradictione restituerunt Pro hac autem traditione et dimissione traderunt dictus prior et conuentus dicto Waltero quinque solidos premanibus Ut autem ista conuentio ex utraque parte firma et stabilis preserueret tam dictus prior et conuentus quam dictus Walterus presentibus scriptis hinc inde signa sua apposuerunt Hiis testibus

Source Fulltext: Luffield Priory Charters. Gerald Ranking Elvey. Northamptonshire Record Society, V.22 P.1. Northamptonshire Record Society. Jordens (Bucks.). Oxford. 1968.