Uniuersis sancte matris ecclesie filiis ad quos presens carta peruenerit A diuina miseracione abbas Eynesham[] totusque eiusdem loci conuentus salutem in domino Ad uniuersitatis uestre noticiam uolumus peruenire nos diuine pietatis intuitu vnanimique consensu quietam clamasse de nobis et successoribus nostris in perpetuum priori et conuentui Luffeld[] ad promocionem domus eiusdem Luffeld[] omnem questionem quam contra predictam domum Luffeld[] habuimus super subieccione eiusdem domus Luffeld[] Quia nos proposuimus eandem domum Luffeld[] nobis et domui nostre esse subiectam et quicquid iuris in eadem domo uel subieccione eiusdem domus tam in rebus quam in personis uendicauimus et nos habere proposuimus omnino eisdem priori et conuentui Luffeld[] remississe imperpetuum Volumus itaque et concedimus ut eadem domus Luffeld[] tam in creatione rectoris quam in professione monachorum nec non et in omnibus aliis spiritualibus et temporalibus a nobis et a successoribus nostris imperpetuum sit libera et soluta nec in temporalibus nec in spiritualibus nobis siue successoribus nostris in aliquo habeatur subiecta Omnia uero instrumenta que penes nos super prefata domo et subieccione eiusdem domus habuimus prefatis priori et conuentui Luffeld[] restituimus fideliter promittentes ut si de cetero aliqua instrumenta aliquo casu super subiectione prefate domus apud nos reperta fuerint illis non utemur sed uolentes ipsa omnino viribus carere priori et conuentui Luffeld[] eadem restituemus Et ne istud futuris temporibus in irritum possit reuocari uel aliquo modo ab aliquibus retractari prefatam remissionem concessionem et quietam clamacionem presenti scripto in modum cyrographi confecto et sigillorum nostrorum appositione confirmauimus Hiis testibus Rogero decano Lincoln[] R et W de Norhamton[] et Bukingeham[] archidiaconis Symone de Pateshull[] Iocelino de Stiuechleya Iacobo de Potern[] Rogero Huschard Henrico de Ponte Audomar[] tunc iusticiariis domini regis in banco A priore de Brakel[] Gileberto decano de Icteslepe Magistro Helya de Trinitate Martino de Pateshull[] clerico Radulfo Hareng Thoma de Chymili Willelmo de Castell[] Roberto de Sydem[] Ricardo Pull[] clericis et multis aliis

Source Fulltext: Luffield Priory Charters. Gerald Ranking Elvey. Northamptonshire Record Society, V.22 P.1. Northamptonshire Record Society. Jordens (Bucks.). Oxford. 1968.