Sciant presentes et futuri quod ego Henricus prior de Longauilla totusque eiusdem loci conuentus dedimus et concessimus magistro Iocelino clerico domini Guillelmi Marescalli et nostro omnes decimas nostras de dominico Willelmi Marescalli de Kauersham ad firmam usque in quindecim annos reddendo inde nobis annuatim quinque marcas infra octabas Pentecostes apud Kauersham Et si post prefatos quindecim annos prefatas decimas in propria manu retinere noluerimus predictus Iocelinus tenebit predictas decimas ulterius ad predictam firmam Predictus autem Iocelinus affidauit predictam firmam ad predictum terminum fideliter reddendam sine fraude Et ut hec concessio rata et inconcussa permaneat presenti carta sigilli nostri munimine roborata confirmauimus facta est autem hec conuentio anno ab Incarnatione domini mcxcvi hiis testibus Willelmo Marescallo Nicolao Auenel Willelmo Iardin qui tres fideiussores eius sunt de predicta conuentione tenenda uersus nos et Michele et Pentecost clericis Hugone de Sanforde Osberto de Gunceuill Hamone Passelewe Iohanne Marescallo

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.