Uniuersis Christi fidelibus presentes litteras inspecturis Matheus archidiaconus Bukingham salutem in domino Inter cetera Cluniacensis ordinis priuilegia quibus apostolica sedes dictum ordinem communiuit perspeximus contineri quod nullus archiepiscopus episcopus uel archidiaconus quemdam de fratribus predicti ordinis ad sinodos pertrahat uel uocari faciat inuitum ideoque nos fratrem Walterum monachum procuratorem prioris et conuentus de Longuilla Cluniacensis ordinis auctoritate ueniendi ad sinodos nostras tenore presentium denuntianus exemptum item a petitione iocalium que nobis et familie nostre annuatim ab eodem procuratore pro ecclesia de Waddon deberi diximus gratuite recedentes dictum procuratorem super hiis pro nobis et familia nostra perpetuo nostro absolutum reddimus et quietum Ad hec quia magister Ricardus uicarius de Waddon coram nobis in iuditio presente dicto procuratore confessus est se per ordinationem bone memorie domini Roberti quondam Lincolniensis episcopi ad omnia onera ordinaria incumbentia ecclesie de Waddon sustinenda teneri nos ipsius uicarii confessionem sequentes dictum procuratorem quoad premissa sententialiter reddimus absolutum decernentes eundem uicarium ad ea onera super hiis aliter contigerit ordinari sequestrum nostrum in bonis eiusdem procuratoris apud Waddon factum occasione predicta relaxando item dictum procuratorem in gratiam et beneuolentiam nostram specialem admittentes omnem animi nostri rancorem eidem totaliter remittentes presentibus magistro Eadwardo de Cropper domino Rogero de Wauton et aliis Dat apud Bukingham die Mercurii prox ante diem beati Thome apostoli anno domini mcclviii

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.