Sciant presentes et futuri quod ego Robertus filius Symeonis dedi concessi et uendidi et hac presenti carta mea confirmaui Waltero de Welles dimidiam marcam annualis redditus quam michi annuatim reddere consueuit de quadam domo infra Smetgate in parochia sancti Petri uersus orientem quam de me tenuit que domus est inter aulam Uniuersitatis et domum Henrici le Barbeor concedens ei totum ius quod in dicta dimidia marcha habui uel quocumque modo habere potui habend et tenend de me et heredibus meis sibi et heredibus suis uel cuicumque dare uendere legare uel assignare uoluerit libere quiete bene in pace et iure hereditario in perpetuum reddendo inde annuatim michi et heredibus meis ipse et heredes sui uel sui assignati unum obolum in die sancti Michelis si ad dictam domum illum obolum demandauerint pro omnibus seruitiis consuetudinibus sectis et secularibus demandis saluo seruitio domini regis Et ego dictus Robertus et heredes mei warantizabimus acquietabimus et defendemus dictam dimidiam marcham annualis redditus cum pertinentiis suis dicto Waltero et heredibus suis uel assignatis contra omnes homines et feminas pro predicto seruitio Pro hac autem donatione concessione uenditione et huius carte confirmatione et warantizatione dedit michi dictus Walterus tres marchas argenti et uiginti denarios in garsumam Et ut hec mea donatio concessio uenditio et huius carte mee confirmatio et warantizatio robur firmitatis optineat huic carte sigillum meum apposui Hiis testibus Iohanne de Coleshulle Galfrido le Mercer tunc temporis prepositis Oxonie Henrico de Lyncolnia Henrico de Brayles Iohanne de Leycestre Iohanne de Kenenthone Willelmo de Egroue et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.