Sciant presentes et futuri quod ego Matheus filius Willelmi de Haliwelle dedi concessi et omnino quietum clamaui pro me et heredibus meis et hac presenti carta mea confirmaui deo et fratribus hospitalis sancti Iohannis extra portam orientalem Oxonie pro anima patris mei et anime mee salute in puram et perpetuam elemosinam totum ius meum et clamium quod habui uel habere potui in illa terra cum pertinentiis in parochea sancti Iohannis et quatuor denariatas annui redditus quos solebam annuatim recipere de Letitia et iacet inter terram magistri Walteri de sancto Edmundo que quondam tenuit ex una parte et terram ex altera nichil iuris uel clamii michi uel heredibus meis retento in perpetuum habend et tenend dictam terram cum pertinentiis cum quatuor denariatis annui redditus libere quiete bene et in pace reddendo inde annuatim capitali domino tres solidos et sex denarios ad quatuor anni terminos scilicet ad festum sancti Michelis decem denarios et obolum ad Natale Domini x d obolum ad Annuntiationem sancte Marie x d ob ad Natiuitatem sancti Iohannis Baptiste x d ob pro omni seculari seruitio exactione et demanda Ego uero Matheus et heredes mei dictam terram cum pertinentiis et cum quatuor denarratis annui redditus dictis fratribus et eorum successoribus contra omnes gentes tam Cristianos quam Iudeos warantizabimus acquietabimus et defendemus in perpetuum Et ut hec mea donatio concessio quietaclamatio et carte mee confirmatio rata sit et stabilis huic scripto sigillum meum apposui Hiis testibus Nicholao de Hanrade tunc uicecomite Oxonie Ada Feteplace tunc maiore Oxonie Iohanne Curci Nicholao de Kyngistone tunc prepositis Oxonie Waltero Aurifabro Galfrido fratre eius Rogero de la Graue Willelmo Peticurteys Alexandro Milite Henrico de uico sancti Iohannis et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.