Inquisitio facta apud Hamslap[] per preceptum domini H de Wengham dei gratia Londoniensis episcopi coram dominis Roberto de Totthal[] Ricardo camerario Willelmo Gulafr[] Johanne filio Johannis et aliis fidedignis die Sabbati proxima ante festum sancti Gregorii pape anno regni regis Henrici filii regis Johannis xliiij per sacramentum xij legalium hominum juratorum Scilicet per [sacramentum] Stephani mercatoris Nicholai le Breton Rogeri filii Sare Ricardi Markade Thurstani filii David Willelmi Hunte Ricardi Deker[] Roberti Sirecok[] Simonis t[an]nur Johannis filii Johannis de Hamslap[] Simonis Tulluse et Willelmi Lupus de Hamslap[] qui dicunt quod dominus Willelmus Mauduit dominus de Hamslap[] pater domini Willelmi qui nunc est et omnes antecessores eius plenarie habeant seisinam de sectis omnium tenentium rectoris ecclesie eiusdem ville ad magnam curiam suam de visu franciplegii et solebant in omnibus ibidem respondere et dare sicuti alii liberi tenentes predicti domini Willelmi de eadem villa tam in denariis dandis quam in assignatis tenend et in omnibus aliis faciendis et predictus Willelmus Mauduyt erat de predicto servitio predictorum omnium tenentium semper in seisina usque ad tempus Philippi Luvel rectoris ecclesie eiusdem et in tempore suo per biennium qui ipsum vi et injuste de predicto servitio postea disseisivit In cuius rei testimonium sigilla predictorum juratorum huic inquisitioni sunt apponita

Source Fulltext: Beauchamp Cartulary, 1100-1268. E. Mason. Pipe Roll Society, New Series V.43. Pipe Roll Society. J. W. Ruddock. Lincoln. 1980.