Hec est conuentio facta inter dominum Ricardum Ombresley militem ex una parte et Hugonem de Walecot ex altera parte uidelicet quod dictus Ricardus uoluntate et assensu Margerie uxoris sue tradidit et dimisit et concessit dicto Hugoni prata sua in Pednesham que uocantur le Stenking et le Westhamme habend et tenend dicto Hugoni et heredibus suis uel suis assignatis quibuscumque ad firmam scilicet a termino Pasche anno regni regis Henrici xxxviii usque ad quatuor annos proximos sequentes integre [et] complete uel ulterius iuxta consuetudinem Auane si forte uestura alicuius anni per inhundationem aquarum perierint Reddendo inde annuatim per predictum tempus eo anno quo plenarias uesturas receperint unam marcam argenti ad festum sancti Iohannis Baptiste pro omnibus seruitiis consuetudinibus et demandis Pro hac autem conuentionem fideliter et sine dolo tenend dedit dictus Hugo dicto Ricardo in manibus iiii marcas argenti et predictus Ricardus et heredes sui dicto Hugoni et heredibus suis uel eius assignatis quibuscumque predicta prata cum suis uesturis ut predictum est ad predictum terminum contra omnes homines et feminas warantizabunt per predictum seruitium Dicta uero prata post dictum terminum completum dicto Ricardo et heredibus suis uel assignatis absque omni contradictione dicti Hugonis uel heredum suorum uel assignatorum reuertant In cuius rei testimonium utraque pars alterius scripto cirographo alternatim sigillum suum apposuit Hiis testibus Ricardo de Ledene Galfrido de Barcliue Iohanne de Barcliue Willelmo de Hundene Roberto Folhardy et aliis multis

Source Fulltext: Beauchamp Cartulary, 1100-1268. E. Mason. Pipe Roll Society, New Series V.43. Pipe Roll Society. J. W. Ruddock. Lincoln. 1980.