Uniuersis Cristi fidelibus presens scriptum inspecturis frater Philippus dictus Abbas de Bytlesden et eiusdem loci conuentus eternam in domino salutem Nouerit uniuersitas uestra nos unanimi assensu dedisse concessisse et hac carta nostra confirmasse ecclesie sancti Petri de Harewolde et monialibus ibidem deo seruientibus et in perpetuum seruituris totam terram et tenementum cum pertinenciis que habuimus in Harewolde et Swonton de domino Radulfi Morin scilicet que idem Radulfus nobis dedit pro warantia trium uirgatarum terre cum pertinenciis in Thorneberge habend et tenend predictis monialibus et successoribus suis et ecclesie sue de Harewolde de nobis et ecclesia nostra de Bytlesdene imperpetuum bene in pace integre libere et quiete ab omni seculari seruitio secta curie consuetudine et exactione Excepto regali seruitio et una libra cimini nobis et ecclesie nostre annuatim soluenda die natiuitatis domini apud Harewolda pro omnibus seruiciis sectis curie consuetudinibus et demandis saluo ut predictum est regali seruitio Et nos et successores nostri et ecclesia nostra warantizabimus predictis monialibus et ecclesie sue totam terram et tenementa predicta cum pertinenciis Et de omnibus sectis curie consuetudinibus et demandis per predictum seruitium unius libre cimini et regale seruitium contra omnes gentes inperpetuum acquietabimus et defendemus Et si contigerit nos dictis monialibus warantiam facere contente erunt de warantia quam predictus Radulfus Morin nobis fecerit pro predicta terra In cuius rei testimonium presenti scripto sigillum nostrum fecimus apponi Hiis testibus domino Iohanne le Franceis domino Iohanne de Boeles domino Waltero de Swinesheuet domino Radulfo de Carun domino Henrico de la Leye Gaufrido le Bordeles Roberto Parentin Simone de Wauille et aliis

Source Fulltext: Records of Harrold Priory. G. H. Fowler. Bedfordshire Historical Records Society, V.17. Bedfordshire Historical Records Society. Aspley Guise. 1935.