Anno gracie millesimo ducentesimo quinquagesimo primo die sancti Mathaei euangeliste facta fuit conuencio ista inter abbatem Miriuall[] et dominum Johannem de Fraunceys rectorem ecclesie de Etone pro monialibus de Harewolde ex una parte et abbatem de Bitlisdene pro se et suo conuentu ex altera Videlicet quod dictus abbas de Bitlisdene concessit et vendidit dictis monialibus per predictos medios scilicet abbatem de Miriuall[] et dictum dominum Johannem totum tenementum quod habuerunt in Harewolde [et] Swantone cum pertinenciis de dicto Radulfo Morin in excambium et valenciam pro warancia trium virgatarum cum pertinenciis in Thornebrigge Pro quater xx et decem marcis bonorum sterlingorum soluendis et dict[o] abbati de Bitlisdene vel certo assignato suo ad duos scriptos terminos sine dilacione et contradictione scilicet in octauis sancti Michaelis proximis sequentibus apud Bitlisdene quinquaginta marcas et in crastino sancti Thome apostoli proximo sequenti apud Nouum Templum London[] quadraginta marcas Quam solucionem plene predictis temporibus et locis sine ulteriori dilacione dicto abbati de Bitlisdene uel eius certo attornato faciendam predictus abbas de Miriualle et dominus Johannes manuceperunt Et predictus abbas de Bitlisdene faciet predictis monialibus cartam suam primo die solucionis reponendam et custodiendam abbat[i] de Miriualle [et] monialibus tradendam die ultime solucionis complete de predictis tenementis de Harewolde et Swantone formatam Secundum tenorem carte quam habet abbas de Bitlisdene de dicto domino Radulfo Morin de predictis tribus virgatis terre in Thornebrigge cum pertinenciis Et predicte moniales erunt contente eadem warancia et valencia quas abbas de Bitlisdene poterit habere de domino Radulfo Morin et heredibus suis si contingat waranciam et valenciam exigi In cuius rei testimonium huic presenti scripto cirografato utraque pars predicta scripto mutuo sua apposuit sigilla Teste Galfrido Bordeles etc Et sciendum est quod predictus abbas de Bitlisdene ponet predictas moniales in plenariam seisinam in proxima quindena post festum sancti Michaelis proximum sequent[] dicte terre et tenement[orum] cum pertinenciis in Harewolde et Swantone

Source Fulltext: Records of Harrold Priory. G. H. Fowler. Bedfordshire Historical Records Society, V.17. Bedfordshire Historical Records Society. Aspley Guise. 1935.