Hec est conuencio facta inter Nicholaum priorem Sancti Dion[] iuxta Suth[] et eiusdem loci conuentum ex una parte et Walterum Basset de Lokerl[] ex altera anno domini mccl tercio uidelicet quod dicti prior et conuentus concesserunt ad firmam dicto Waltero ad terminum uite sue partem suam quam habent in molendino de Lokerl[] quod dicitur molendinum Basset Tenend et habend eandem partem dicto Waltero quam diu uixerit cum suis pertinenciis de dictis canonicis Reddendo inde annuatim eisdem viginti solidos ad quatuor terminos anni uidelicet [...] Et debet dictus Walterus dictum molendinum dum durat tempus predicte firme in competenti statu sustentare et manutenare et omnia onera eiusdem molendini ad ipsum spectabunt Et si in solutione predicte firme in aliquo termino defecerit licebit dictis priori et conuentui eorumque successoribus distringere eundem per dictum molendinum tam per totum quam per partem ipsius secundum quod magis elegerint donec eisdem de pleno fuerit satisfactum Post decessum uero predicti Walteri predicta pars molendini eidem ad firmam tradita ad predictos priorem et canonicos eorundemque successores cum omnibus suis melioracionibus et pertinenciis integre et libere reuertetur In cuius rei testimonium presenti scripto in modum cirographi confecto sigilla utrarumque parcium hinc inde sunt appensa Hiis testibus

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.