Notum sit omnibus hoc scriptum uisuris uel audituris quod cum controuersia mota esset inter dominum Rolondum priorem et conuentum Sancti Dion[] iuxta Suth[] ex una parte et dominum Rogerum cantorem et clericos Sancte Marie Suth[] ex altera super quadam uia quam dicti prior et conuentus dicebant se possidere et ad se pertinere ex antiquo ad terram suam et grangiam de Norham per terram dictorum cantoris et clericorum de Munekelond[] et super aque ductu eorundem clericorum quem idem clerici affirmabant iacere in uia regia et dicti prior et conuentus asserebant iacere in terra sua de Kingeslonde tandem mediantibus pacis amatoribus huiusmodi controuersia in hunc modum conquieuit uidelicet quod dicti canonici et clerici pro bono pacis et pro se et suis successoribus concesserunt quod idem prior et conuentus et eorum successores perpetuo habebunt in autumpno uiam ad cariandum bladum suum de terra que uocatur Kingeslond[] et de omnibus aliis terris suis iacentibus in suburbio uille Suth[] uidelicet ubi predicta uia per fossatum dictorum clericorum a uiris legalibus commodius utrique parti in certo loco poterit designari ita quidem quod si aliquod detrimenti dictis cantori et clericis propter huiusmodi uie usum eueniat dicti prior et conuentus per uisum legalium uirorum hoc emendabunt quocienscumque hoc euenerit et dicti canonici prefatum fossatum postquam bladum dicte terre cariauerint prout necesse erit reficient Concesserunt uero idem prior et conuentus similiter pro bono pacis quod dicti cantor et clerici conductum aque sue habeant et possideant in perpetuum in terra sua de Kingeslond[] sicut prius habere consueuerunt Et sepedicti canonici siue terram suam de Kingeslond[] ad usum proprium tenuerint uel uendiderint uel alicui uel aliquibus tradiderint uel concesserint prefatum aque ductum predictis cantori et clericis warantizabunt in perpetuum quatenus est super terram eorundem de Kingeslonde ita sane quod si refeccione uel emendacione idem conductus indigeat liceat dictis cantori et clericis illum reficere uel emendare quocienscumque necesse fuerit ita quidem quod si dictis priori et conuentui uel suis tenentibus de Kingeslonde pro dicti conductus refeccione uel emendacione detrimentum euenerit dicti cantor et clerici per uisum uirorum legalium hoc emendabunt Et dicti cantor et clerici competentem chaciam facient dictis priori et conuentui super litus maris ad pasturam et ad terras dictorum prioris et conuentus colendas uidelicet ubi molendinum dictorum cantoris et clericorum stare consueuit Et sic ad inuicem remiserunt omnes iniurias actiones uel querelas quas adinuicem mouerant racione premissorum In cuius rei testimonium presenti scripto in modum cirographi confecto hinc inde signa sua apposuerunt Hiis testibus etcetera Dat[] die Sancte Agnetis Uirginis anno domini millesimo cc quinquagesimo primo

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.