Sciant presentes et futuri quod ego Jordanus de London olim seruiens domini Willelmi de Bonay prioris de Dauentre teneor soluere annuatim dominis meis priori et conuentui de Dauentre ii sol et viii den sterlingorum pro toto tenemento in uilla et campis de Draytone quod ego tenui aliquando de Alano Gemme et modo teneo de eisdem monachis ex dono et assensu et confirmatione ipsius Alani Gemme recipiendos ipsis monachis et successoribus suis de me et heredibus meis inperpetuum ad quatuor terminos anni scilicet in assencione domini viii den in festo sancti Petri ad uincula viii den in festo sancti Martini viii den in purificatione sancte Marie viii den Ego uero Jordanus feci homagium pro dicto tenemento prefatis priori et conuentui et iuraui tactis sancrosanctis euangeliis ne omnimodam fidelitatem eis et successoribus eorum obseruaturum salua fidelitate domini regis Similiter et heredes mei facient post me Iuraui eciam pro me et heredibus meis quod nos dictum tenementum saluum et integrum obseruabimus Ita uidelicet quod nec ipsum totum tenementum nec eciam aliqua ipsius particula poterit umquam pro me uel per aliquem heredum meorum alienant aut minui aut inuadiari aut uendi aut cuiquam hominum quoquo modo tradi nisi fuerit de communi assensu et uoluntate memoratorum prioris et conuentus Si autem tam urgentes negociam mihi uel meis emerserat quod oporteat nos uendere uel aliquo alio modo alii tradere dictum tenementum siue aliquam partem ipsius extra manus nostras tunc prefatis monachis illud quicquid sit aut totum aut pars leuius et propinquius trademus quem alicui alii in mundo quod si noluerunt accipere tunc ille poterimus alii tradere Set sicut iam dictum est per communem assensum et uoluntatem eorum ad maiorem siquando securitatem omnium eorum que subscripta sunt presens scriptum eis in testimonium tradidi sigilli mei munimine confirmatum Hoc autem scriptum confectum fuit anno gratie millesimo ducentismo septimodecimo Hiis testibus Alano Gemme Willelmo Gemme Simone Campion Nigello de Dauentre et pluribus aliis

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.