sciant presentes et futuri quod anno domini millesimo ducentesimo quinquagesimo quarto modo subscripto in festo sancti Iohannis Baptiste conuenit inter Iohannem de Chelebautone tunc magistrum Domus Dei de Suthampton et fratres eiusdem Domus ex una parte et Robertum le Duyt ex altera uidelicet quod dicti magister et fratres concesserunt et dimiserunt dicto Roberto mesuagium illud cum pertinentiis exceptis soldis quas Rogerus le Barbiers tenet de dicta Domo Dei quod de eorum feodo est et quod Willelmus Galopin aliquando habuit et tenuit de dicta Domo Dei in Suthampton habend et tenend eidem Roberto et heredibus suis et cuicumque illud dare uel assignare uoluerit exceptis uiris religiosis ecclesiasticis et iudeis integre libere et quiete de predicta Domo Dei reddendo inde annuatim inperpetuum eidem Domui Dei sine difficultate qualibet ad festum sancti Michaelis duos solidos sterlingorum ad Natale domini ii sol ad Pascha ii sol et ad festum sancti Iohannis Baptiste ii sol pro omni seruitio et demanda ad Domum Dei pertinente uidelicet quamdiu idem Robertus et sui heredes uel sui assignati dictos octo solidos ut predictum est ad predictos terminos bene persoluerint et edificia in statu debito seruauerint conpetenter Si autem dictus Robertus uel sui heredes aut sui assignati a solutione dictorum octo solidorum annuorum per annum integrum aliquando cessauerint aut edificia predicta perire permiserint licebit extunc prefatis magistro et fratribus et eorum successoribus statim predictam domum libere ingredi et commodum inde facere sine omni inpedimento et contradictione dicti Roberti et heredum suorum et suorum assignatorum In cuius rei robur et testimonium huic scripto cyrographato alternatim sigilla partium sunt appensa Hiis testibus Waltero le Flemeng Benedicto Ace Azone Beneit Matheo Gese Thurstano Heyrun Petro Thikeman Roberto le Flemeng Radulpho Trefot Semanno Wlward Thoma fratre suo et tota curia Suthampton et aliis multis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.