Omnibus Christi fidelibus etc Bricius le Daneys salutem in domino sempiternam Nouerit uniuersitas uestra me concessisse relaxasse et omnino pro me et heredibus meis in perpetuum quietum clamasse deo et ecclesie beate Marie et Simoni de Redbourne priori de Bisshemade et canonicis ibidem deo seruientibus et in perpetuum seruituris totum ius meum et clamium quod habui uel aliquomodo habere potui in toto illo tenemento de Blaisworth[] iuxta Bisshemade cum omnibus suis pertinenciis quod predicti religiosi habent de dono et feoffamento Isabelle Pauncefot quondam domine dicti tenementi tam in comitatu Bed[] quam Huntyngdon[] uidelicet in mesuagiis terris pratis pascuis pasturis boscis gardinis planis aquis uiis semitis sepibus uiuariis stangnis toftis et croftis warennis libertatibus liberis consuetudinibus homagiis liberorum et libere tenencium et eorum seruiciis redditibus wardis releuiis eschaetis villenagiis villanis cum sequelis et catallis et tenementis eorundem et cum omnibus et singulis que mihi uel heredibus meis aliquomodo racione uel dicto tenemento uel eius pertinenciis accidere possint in perpetuum ita quod nec ego dictus Bricius nec heredes mei nec aliquis nomine nostro aliquod ius uel clamium in predicto tenemento cum omnibus suis pertinenciis umquam de cetero exigere uendicare nec habere in posterum poterimus In cuius rei testimonium huic quiete clamacione sigillum meum apposui Hiis testibus etc Datum apud Nouumlocum iuxta Stanforde die dominica qua cantatur Letare Jerusalem anno regni regis Edwardi filii regis Henrici tricesimo primo

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.