Bonifacius miseracione diuina Cantuarie archiepiscopus tocius Anglie primas Magistro E de Lomi officiali nostro salutem graciam et benedictionem Constitutus in presencia nostra Robertus de Auna quondam vicarius ecclesie de Messend[] Lincolniensis diocesis vicarie quam in ecclesia predicta optinuit et iuri in nostris manibus pure et simpliciter renunciauit post cuius renunciacionem religiosus vir abbas de Messend[] ad quem presentacio dicte vicarie ut asserit pertinet fratrem Henricum concanonicum suum ad ecclesiam vicarium nobis humiliter presentauit Sed quia utrum idem Robertus dicte ecclesie vicarius extiterit et an ad ipsum abbatem presentacio pertineat nobis constare non potuit discreconi tue mandamus quatinus super permissis ac eciam si idem Henricus ydonea persona existat veritatem diligenter inquiras et ea que super hiis inueneris nobis tuis litteris studeas intimare Data apud Croindune in uigilia Sancti Andree Apostoli anno domini millesimo cc liij

Source Fulltext: Cartulary of Missenden Abbey. J. G. Jenkins. Records Branch of the Buckinghamshire Archaeological Society, V.2. Records Branch of the Buckinghamshire Archaeological Society. Aylesbury. 1938.