Omnibus Christi fidelibus ad quos presens scriptum peruenerit Isabella de Fortibus comitissa Albermarlie et Deuonie et domina Insule eternam in domino salutem Noueritis nos dimisisse quietum clamasse pro nobis et heredibus nostris concessisse priori et monachis de Caresbroc et eorum successoribus imperpetuum totum ius et clamum quod habuimus uel habere potuimus eundi redeundi et cariandi in uia que iacet per mediam curiam suam in Caresbroke a porta sua australi usque ad portam suam aquilonariam ita quod liceat dictis priori et monachis claudere et omnino comodum suum inde facere sine calumpnia uel impedimento nostri aut heredum seu tenentium nostrorum ita quod idem prior et monachi inueniant nobis et heredibus nostris et tenentibus nostris suffitiens chiminagii de latitudine quatraginta pedum imperpetuum durandi eundi redeundi cariandi et fugandi uidelicet de magno uico de Caresbroc ad capud gardini ipsius prioris et monachorum in parte occidentali uersus partem borialem et deinde uersus partem orientalem iuxta predictum gardinum usque ad uiam que ducit a dicto prioratu usque ad Cutebrigge et a Chimelorde et quod dicti prior et monachi licite possint habere quandam portam que uocatur Heyse gallice ad introitum dicti chimini iuxta magnum uicum de Karesbrok ita quod nos et heredes seu tenentes nostri ad negotia nostra facienda per dictam portam ut predictum est non impediantur Et ut hec omnia prescripta robur firmitatis imperpetuum optineant presenti scripto sigillum nostrum duximus apponendum Hiis testibus dominis Willelmo Estur Huberto de Conilly Henrico Trenchard Iohanne de Insula militibus Iohanne de Insula rector ecclesie de Escaudeflet Iordano de Kyngg Hugone de Maneby tunc constabulario castri de Caresbrok Benedicto de Monton Iohanne de Stigela Datum in castro de Caresbroke anno domino m cc septuagesimo mense aprili

Source Fulltext: Cartulary of Carisbrooke Prior. S. F. Hockey. Isle of Wight Records Series, V.2. Isle of Wight County Record Office. Newport. 1981.