Anno domini millesimo cc sexagesimo in ecclesia beati Pauli Bed die sancti Hillarii controuersia inter priorem et conuentum de N ex parte una et Robertum perpetuum uicarium ecclesie de Kerdyngton ex altera super sinodalibus dicte ecclesie et decimis cuiusdam molendini ad uentum in parochia de Kerdingt de nouo constructi coram magistro Petro de Audham archidiacono tunc Bed hoc amicabili fine quieuit uicelicet quod dicti prior et conuentus synodalia dicte ecclesie soluent de cetero ac idem uicarius nomine uicarie sue medietatem dictarum decimarum percipiet reliquam uero medietatem pro tribus solidis annuis eisdem priori et conuentui ad duos anni terminos ad Pascha scilicet et ad festum omnium sanctorum pro equalibus portionibus quamdiu dictum molendinum steterit et decimas inde perceperit nomine firme retinebit ita tamen quod si in aliquo terminorum predictorum per quindecim dies in solutione dicte firme cessauerit ex tunc cadat a iure ipsas decimas quas ei nomine firme concessimus ulterius percipiendi In cuius rei testimonium etc

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.