Omnibus Christi fidelibus ad quos presens scriptum peruenerit H dei gratia Linc[] episcopus salutem in domino Nouerit uniuersitas vestra quod nos de assensu Willelmi decani et capituli nostri Linc[] et de voluntate dilectorum in Christo filiorum prioris et conuentus de N patronorum ecclesie de Wutton[] qui super eadem ecclesia et omnibus eius pertinenciis et omni iure ipsius se sponte simpliciter et pure nostre per omnia subiecerunt ordinacioni super hiis ordinauimus in hunc modum videlicet quod predicti prior et conuentus de N habebunt et possidebunt inperpetuum nomine perpetui beneficii totam medietatem ipsius ecclesie de Wutton[] in terris decimis redditibus homagiis seruicus exitibus et omnibus aliis pertinenciis ad eandem ecclesiam spectantibus exceptis alteragio et mesagio dominico ipsius ecclesie cum crofta ipsi mesagio adiacente Martinus autem de Eston[] clericus quem ad dictorum prioris et conuentus presentacionem ad eandem ecclesiam admissimus et ipsum in ea canonice personam instituimus et successores ipsius Martini dicte ecclesie persone habebunt et possidebunt in perpetuum totam alteram medietatem predicte ecclesie de Wutton[] in terris decimis redditibus homagiis seruiciis exitibus et omnibus aliis pertinenciis ad eandem ecclesiam spectantibus et insuper totum alteragium et dictum mesuagium dominicum ipsius ecclesie et croftam ipsi mesuagio adiacentem saluis dictis canonicis xx solidis annuis per manum ipsius Martini et successorum suorum prefate ecclesie personarum pro predicti alteragii medietate nomine perpetui beneficii annuatim percipiendis videlicet ad synodum sancti Michaelis x s et ad synodum Pasche x s supradicti quidem Martinus et successores sui omnia onera ordinaria memorate ecclesie de Wutton[] debita et consueta sustinebunt et siquid forte emerserit extraordinarium dicti prior et conuentus de N pro sua porcione inde respondebunt ceterum omnes terre redditus et possessiones quecumque sunt de iure ipsius ecclesie et in quorum possessione non est ad presens constituta quandocumque perquisite fuerint vel deuenerint ad illam ecclesiam dimidiabuntur inter personas de Wutton[] et canonicos de N saluis in omnibus episcopalibus consuetudinibus et Linc[] ecclesie dignitate Quod ut perpetuam optineat firmitatem presenti scripto sigillum nostrum una cum sigillo predicti capituli nostri Linc[] duximus apponendum Teste W decano Galfrido precentore Ricardo cancellario et aliis Datum per manum Johannis de Tanton[] in capitulo Linc[] apud Linc[] xiiij kalendis Nouembris Pontificatus nostri anno xiiii

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.