[placita terre tenta in hustengo London[] die Lune in crastino Sancte Trinitatis anno regni regis Edwardi vicesimo octauo xxviij] Katerina la Seppestere et Isabella soror eius petunt versus priorissam de Clerkenewelle quadraginta et nouem solid[] et quatuor denar[] redditus cum pertinenciis in Lond[] vt ius suum etc Et vnus quidam Fulco antecessor earum fuit seisitus in dominico suo vt de feodo et iure tempore pacis et tempore Henrici patris regis nunc capiendo inde expleta ad valenciam dimidie marce et amplius vt de feodo et iure De ipso Fulcone descendit ius etc cuidam Iohanni vt filio et heredi etc De ipso Iohanne quia habitum religionis assumpsit in quo professus sine herede de se etc descendit ius etc cuidam Lucie vt sorori etc De ipsa Lucia quia habitum religionis assumpsit in quo professa sine herede de se etc descendit ius etc cuidam Agneti vt sorori etc De ipsa Agnete quia habitum religionis assumpsit in quo professa sine herede de se etc resortiuit ius etc cuidam Thome vt auunculo et heredi etc De ipso Thoma descendit ius etc cuidam Ade vt filio etc De ipso Ade descendit ius etc cuidam Roberto vt filio De ipso Roberto quia obiit etc descendit ius etc cuidam Willelmo vt fratri De ipso Willelmo quia obiit etc descendit ius etc cuidam Willalmo vt fratri De ipso Willelmo quia obiit etc descendit ius etc quibusdam Cristiane Katerine et Isabelle vt sororibus etc De ipsa Cristina quia obiit etc descendit ius propartis sue predictis Katerine et Isabelle vt sororibus que nunc petunt Et quod tale sit ius earum offerunt etc Et predicta priorissa venit et defendit ius ipsarum Katerine et Isabelle et bene concedit seisinam predicti Fulconis antecessoris earum qui predictum redditum cum suis pertinenciis vna cum aliis terris et tenementis suis in London[] dedit concessit et carta sua confirmauit deo et beate Marie de Clerkenewell[] et monialibus ibidem deo seruientibus in liberam puram et perpetuam elemosinam habend et tenend predicte ecclesie et monialibus prefatis inperpetuum Et idem Fulco et heredes sui predictum redditum prefatis monialibus warantizabunt etc Et inde profert cartam ipsius Fulconis que hoc testatur et ponit se in inquisitionem loco magne assise domini regis secundum consuetudines ciuitatis Lond[] vtrum maius ius habeat tenend predictum redditum xlix s et iiij d cum pertinenciis in Lond[] per factum et feoffamentum predicti Fulconis vt tenet an predicte Katerina et Isabella habend sicut petunt etc Ideo summoneatur patria contra proximam curiam etc Et idem dies datus est partibus

Source Fulltext: Cartulary of St. Mary Clerkenwell. W. O. Hassal. Camden Third Series, V.71. Offices of the Royal Historical Society. London. 1949.