Hec est finalis concordia facta in curia domini regis apud Westmonasterium in festo sancte Cecilie anno regni regis Ricardi octauo coram Huberto Cantuariensi archiepiscopo et Hugone Lincolniensi et Herberto Saresburiensi et Hugone Couentrensi episcopis et Philippo Dunolmensi electo Willelmo de sancte Marie Ecclesia Ricardo archidiacono Elyensi Galfrido filio Petri Hugone Bardulf Willelmo Briwer[] magistro Thoma de Husseburn[] Ricardo de Heriet Simone de Pateshull[] Ogero filio Ogeri iusticiariis et aliis baronibus et fidelibus domini regis tunc ibi presentibus inter Iohannem Picot petentem et dominum Ricardum Londoniensem episcopum tenentem de tota terra de Barnet que est de feodo ipsius episcopi et de omnibus pertinenciis eius unde recognicio de morte antecessoris summonita fuit inter eos in prefata curia scilicet quod idem Iohannes Picot totum clamium suum remisit et totum ius quod in predicta terra de Barnet et pertinenciis eius habebat quietum clamauit de se et heredibus suis predicto episcopo Lond[] et successoribus suis in perpetuum Et pro hoc fine et concordia et quieta clamancia predictus episcopus Lond[] dedit eidem Iohanni Picot lxv s sterlingorum Et preterea predictus episcopus et successores sui dabunt ei singulis annis c solidos sterlingorum ad se sustentandum quoad vixerit scilicet infra xv dies pasche l s et infra quindecim dies sancti Michaelis l s Et preterea conuenit quod idem Iohannes Pikot omnes cartas quas de predictis terris habuit uel habere poterit ipsi episcopo reddet et si alique superfuerint quas non reddiderit sine omni efficatia erunt et in nullo ipsi uel heredibus suis uersus episcopum uel successores suos ualere poterunt

Source Fulltext: Early Charters of the Cathedral Church of St. Paul, London. Marion Gibbs. Camden Third Series, V.58. Offices of the Royal Historical Society. London. 1939.