Ich Marchart der Schekhe ze Steir vergich an disem prief, daz mir mein herre pischolf Wernhart von Pazzowe den zehent ze stevnchirichen swaz sein leit in stewern ...(?) lazzen vnd enpholhen hat ze einer phlegnuesse(?), daz ich im den allen gar sol in nemen. vnd offen daz, daz nach meinem Tod meiner chint dehain offnung(?) dar auf niht habn schuellen, wan ich des selben zehents niwen phleger vnd in nemer pin gewesn. Vnd gib dar vber meinem herren pischolf Wernharten von Pazzowe disen prief ze einem gezeuge, versigelt mit meinem Insigel. Diz ist geschehen ze Steir da von Christes gebuertte warn drevzehen hundert Jar vnd dar nach in dem fuemften Jar an sand Margreten abent.