In nomine sancte et individue trinitatis, patris et filii et spiritus sancti, noverint universi et singuli tam presentes quam futuri hoc presens publicum instrumentum visuri, lecturi seu audituri, quod anno a nativitate eiusdem millesimoquadringentesimo tricesimo primo indictione nona, mensis februarii, die decimanona, hora vesperarum vel quasi pontificatus sanctissimi in Christo patris et domini nostri domini Martini divina providentia pape quinti anno eius quartodecimo in honorabilium et prudentum virorum dominorum Gobelini Walraven reddituarii civitatis Coloniensis, Henrici Quattermart, Werneri Oyverstoultz, Luyffardi de Schijderich scabinorum Coloniensium, Wilhelmi de Lijsekyrchen, Johannis de Rore, Georgii Schyncken, Johannis de Lewensteyn, Cononis Swynden, Johannis de Tegelen, Lamberti de Tegelen, Johannis under Drijveltz, Johannis Zuyn, Johannis de Waveren, Andree de Dalen, Petri de Bayre, Johannis Wije, Gerardi Thijrhaen, Hermanni de Seychten, Conradi Kannengiesser, Johannis Krulmann, Philippi Munckart, Adam de Loeven, Winandi Jungen, Johannis Kirtzenich, Petri Waelbereyt, Johannis Muyssghyn, Johannis de Woryngen, Johannis Panhuysen, Johannis Mailbode, Johannis de Tegelen, Johannis Fent, Martini de Titze, Johannis de Mijle, Hermanni de Eylse, Gotfridi de Batenberg, Johannis Zijsemeyster, Johannis Specksnyder totiusque communitatis parrochianorum ecclesie parrochialis sancti Martini Coloniensis, qui actui infrascripto interesse potuerunt et voluerunt, in domo officiatorum dicte parrochie in vico Reni sita ad infrascripta ad sonum campane maioris in dicta ecclesia pendentis tunc pulsate more solito congregatorum nostrorumque publicorum notariorum et testium infrascriptorum ad hoc specialiter vocatorum et rogatorum presentia personaliter propter hoc constituti honorabiles et prudentes viri, dominus Jacobus de Bernsauwe, Johannes Juede, Gobelinus de Lynghe et Martinus Moench provisores fabrice pretatte (!) parrochialis ecclesie sancti Martini Coloniensis. Idem Gobelinus provisor de iussu et speciali mandato consociorum suorum provisorum predictorum universali congregationi prefatorum parrochianorum publice exposuit, qualiter ipsa eorum mater ecclesia parrochialis predicta suo esse orbata et destituta rectore honorabili, videlicet magistro Henrico de Gorynckhem sacre theologie professore eiusdem, dum vixit, rectore, qui viam carnis universe ut asseruit foret ingressus, et necessarium esset maxime, quod ipsi ecclesie de gubernatore et pastore laudabili pro conservatione animarum suarum provideretur cumque electio persone domine abbatisse monasterii beate Marie in Capitolio Coloniensis ordinis sancti Benedicti pro tempore ad ipsam ecclesiam nominande pro presentatione obtinenda ab ipsa et ulterius illustri et venerabili domino preposito et archidiacono ecclesie Coloniensis per eandem presentande tam de laudabili et inoleta hactenus observata consuetudine quam ex certis indultis et privilegiis per suos predecessores dicte parrochialis ecclesie parrochianos desuper a longissimis retroactis temporibus obtentis ad parrochianos eiusdem ecclesie pro tempore spectaret et de consimili laudabili consuetudine inter dictos parrochianos hoc esset observatum, quod quotiens dictam ecclesiam vacare contingerit, dicti parrochiani pro electione et nominatione persone ydonee ad eandem fienda aut quindecim aut vigintiquinque viros heredatos probiores dicte ecclesie parrochianos eligere consueverint, qui statim post huiusmodi de eis factam electionem iuramentum, cuius formam ipse in theutonico in quadam papiri cedula conscriptam ibidem de verbo ad verbum lectam et recitatam et hic inferius insertam exhibuit, prestare deberent incitando et ammonendo proprio necnon suorum consociorum nominibus dictos ibidem congregatos parrochianos, quatenus se super numero eligendarum personarum preexpresso atque iuramento prestando deliberare seque ad electionem earundem pro evitatione periculorum minuere potencium preparare et unire vellent. Et habitis inter dictos parrochianos altricacionibus diversis, tum super forma iuramenti infrascripta, tum etiam super numero eligendarum personarum preexpresso, dictam formam iuramenti universaliter approbantes in electionem quadraginta unum personarum fiendam consentiendo ad eam processerunt et unanimi consensu singillatim quasi interrogati dominum Gobelinum Walraven reddituarium, Henricum Quattermart, Wernerum Oyverstoultz, Luyffardum de Schijderich scabinos Colonienses, Wilhelmum de Lysekirchen, Georgium Schyncke, Johannem de Lewensteyn, Johannem de Rore, Cononem Swynde, Johannem Krulman, Johannem de Tegelen, Johannem Wije, Andream de Dalen, Johannem Panhuysen, Johannem Muyssgin, Adam de Loeven, Johannem under Drijveltz, Petrum de Bayre, Johannem Zuyn, Johannem de Waveren, Conradum Kannengiesser, Johannem de Mijle, Johannem de Tegelen, Conradum de Reyde, Vulqwinum Rode, Johannem Maylbode, Johannem Sloessgin, Johannem Zijsemeyster, Petrum de Zudendorp, Johannem de Woryngen, Johannem de Kyrtzenich, Martinum de Titze, Georgum Schoynhaltz, Philippum Munckart, Petrum Waelbereit, Johannem Fent ac Theodericum Baystwylre ad huiusmodi eorum futuri pastoris electionem perficiendam deputarunt et eligerunt, seni et seni primo et postmodum septem divisim erectis per quemlibet eorum duobus anterioribus digitis dextre sue manus eorum mediis corporaliter prestitis iuramentis stabiliverunt et firmarunt. Tenor autem cedule iuramenti, de qua supra fit mentio et est talis, sequitur in hunc modum: Item dit is der eydt, den man den gemeynen kyrspelsluden doyn sall van den ghenen, die dat gemeyne kyrspell myt dem meysten parte dartzo keysende wyrt eynen loevelichen pastoir zo kyesen. Item in dem yersten soilt yr vursycheren ind na zo den hilligen sweyren bij der truwen, die yr Gode van hemelrich schuldich sijt urre selen ind lester hyenfart, wyven ind kynderen, off yr sy hait, dat eyn yecklicher van uch noemen sall na synen besten synnen eyne eirsame persone, die uch ind dem gemeynen kyrspell zo eyme pastoire alrenutzlichste duncket syn. Ind dat mynste part van uch, dat sall dem meysten vulgen, ind yr ensoylt des nyet layssen umb lieff, umb leyt, noch umb hass, noch umb nijt, noch umb maychschaff, noch umb fruntschaff, noch umb bede, noch umb gave, noch umb geynreleye anderre sachen willen, die man in eyncherleye wyse vysieren off erdencken moechte, dan alleyne dat gemeyne beste des gantzeen kyrspels zo loyve ind zo eren Gotz van hemelrich vurzokeren sunder argeliste. Item dat ich in truwen alsus gesychert hain, dat sall ich vaste ind stede halden asverre als ich mich myt mynen synnen verwaren mach sunder alre kunne argeliste, so myr Got helpe ind syne hilligen. Super quibus omnibus et singulis dominus Jacobus, Johannes, Gobelinus et Martinus provisores prenarrati, petierunt tam pro se quam pro tota communitate parrochianorum predictorum sibi fieri a nobis notariis publicis infrascriptis unum vel plura publicum seu publica instrumentum sive instrumenta in meliori forma, qua fieri possunt, facti tamen substantia minime mutata. Acta sunt hec Colonie sub anno, indictione, mense, die, hora, loco et pontificatu, quibus supra, presentibus ibidem honestis et discretis viris Hermano vanme Dyenant, Johanne Ackerbach necnon Ecberto de Zutphania civibus et incolis Coloniensibus, testibus fidedignis ad praemissa vocatis specialiter et rogatis, etc.||
Et ego, Wilhelmus de Boicholt alias de Lobbroich clericus Leodiensis dioecesis, publicus apostolica auctoritate notarius, quia premissis omnibus et singulis, dum sic, ut premittitur, fierent et agentur, unacum discreto viro Nycolao de Sybergh connotario meo subscripto et testibus supradictis interfui eaque sic fieri vidi et audivi ideoque hoc presens publicum instrumentum per alium me aliis occupato negotiis fideliter scriptum exinde confeci et in hanc publicam formam redegi signoque et nomine meis solitis et consuetis consignavi, rogatus et requisitus in testimonium veritatis premissorum.||
Et ego, Nicolaus Leporis de Sybergh clericus Coloniensis dioecesis, publicus imperiali auctoritate notarius, quia premissis omnibus et singulis, dum sic, ut premittitur, agentur et fierent, unacum prenominatis testibus et honesto ac discreto viro Wilhelmo de Boycholt alias de Lobbroich connotario meo prescripto presens fui et interfui eaque sic fieri vidi et audivi ideoque hoc presens publicum instrumentum manu mea propria scriptum exinde confeci et in hanc publicam formam redegi signoque et nomine meis solitis et consuetis signam, rogatus et requisitus de super in fidem et testimonium omnium et singulorum premissorum.