Nos Michael Iudex et Dobeslaus Subiudex terrae Cracoviensis generales no- tum facimus quibus expedit universis, praesentibus et futuris praesentium notitiam habituris: Quod cum pro tribunali sedebamus nostro in Iudicio, tunc accedens ad nostram nostroruinque assessorum praesentiam honorabilis vir dominus Iohannes hae- res de Rzessow Praepositus Sancti Michaelis et Canonicus Cracoviensis ecclesiarum, sanus mente pariter et corpore existens, non compulsus nec coactus, sed de bona voluntate sua iugiter praehabita, fretusque suorum consilio amicorum speciali, omni- modam domum suam magnam muratam in platea monasterii Sancti Andreae et ca strensi, circa et prope ecclesiam Sanctae Mariae Magdalenae in Cracovia sitam et iacentem, apud strenuum militem dominum Sandziwogium de Schubyno Palatinum Kalissyensem emptam et etiam comparatam, cum ipsius magnae domus omnibus aliis domunculis seu domibus subtus, retro, ante, intra, infra et supra ac circum- quaque eandem domum magnam situatis, constructis et muratis, nec non cum uni versis et singulis ipsarum domus magnae et domuncularum eiusdem iuribus, domi nio, utilitatibus, fructibus, reditibus, proventibus, censibus, areis tam desertatis quam locatis, terra, muro, structuris, aedificiis et pertinentiis quibuslibet, ac ita velut eandem domum magnam cum domunculis ipsius praedictis solus emit et tenuit, et prout dicta domus magna cum eisdem domunculis in suis metis, fundamentis, muro et graniciebus ab antiquo est distincta, nihil pro se et successoribus suis ibidem iuris, domini i vel utilitatis reservando, venerabilibus viris dominis Sacri Collegii Studii Cracoviensis Doctoribus et Magistris ac toti Universitati eiusdem Studii Cracoviensis et ad ipsum Sacrum Collegium Studii praedicti, pro septingentis mar- cis grossorum Pragensium numeri Polonicalis consueti in totum vendidit et in per- petuum coram nobis iudicialiter resignavit, promittens ipsos dominos Doctores et

Magistros ac totam Universitatem Studii praedicti occasione praemissorum omnium ab omni impedimento atque dampno ubilibet iuxta Ius terrestre nostrum, infra tres annos et tres menses proxime a data praesentium continuos, relevare, per eosdem dominos Doctores et Magistros ac totam Universitatem Studii antedicti iure haere- ditario et perpetualiter tenendum, habendum, utifruendum, possidendum et in usus ipsorum beneplacitos libere convertendum. In cuius rei testimonium sigilla praesen- tibus nostra sunt appensa. Actum et datum Cracoviae, feria quarta proxima post dominicam Laetare, Anno Domini Millesimo CCCCmo tertio. Praesentibus strenuo et nobilibus viris dominis Iohanne de Thanczin Castellano et Capitaneo Cracoviensi, Msczugio de Coslow, Nicolao de Zagorzany, Prandotha de Neprzesna, Petro de Xansch et Wilczcone de Zacrzow haeredibus, pluribusque aliis testibus fide dignis.

(Ex archetypo membranaceo, cum duobns si^illis cereis albis, taenio- lis membranaceis appensis, eiusdem typi ac sub Nr. XXVI. — Nr. Archiv. Univ. 5772.)