In nomine Domini Amen. Ad perpetuam rei memoriam. Nos Petrus Dei gratia Episcopus Cracoviensis etc. notum facimus harum serie quibus expedit universis, praesentibus et futuris, praesentium notitiam habituris: Quod sane veniens ad nostri praesentiam honorabilis vir dominus Iohannes Szafraniec Scolasticus et Canonicus nostrae ecclesiae Cracoviensis, suo et strenui militis domini Petri Subcamerarii ter rae Cracoviensis, fratris germani, ac Petri nepotis sui, haeredum de Luczicze nostrae Cracoviensis diocesis, nominibus, quoddam privilegium donationis et perpetuae attribu- tionis villae ipsorum Podstolice prope Cracoviam sitae, et novi altaristae institutionis ad altare Sancti Bartholomei Apostoli gloriosi in nostra Cracoviensi ecclesia situm et per progenitores ipsorum erectum, per eos pia devotione factae et incorporatae, ipsorum ut apparebat veris sigillis in pressula pergameni inpendentibus sigillatum nobis exhibuit huiusmodi sub tenore:

„In nomine Domini Amen. Quoniam facta hominum et opera uti aqua fluida „ab eorundem elabuntur memoria, nisi vivorum scriptoram testimonio, privilegio, si- „gnorum titulis roborentur: proinde nos Iohannes Scolasticus et Canonicus ecclesiae „Cracoviensis, Petrus Subcamerarius Cracoviensis, fratres germani, et Petrus prae- „dicti Subcamerarii filius, haeredes de Luczicze Cracoviensis diocesis, significamus „tenore praesentium, quibus expedit universis: quod solerti cogitatione et praeme- ditatione cupientes piis operibus et caritativis subsidiis diem extremae eius pere- „grinationis salubriter praevenire et cultum divinum tanquam Christicolae augmen „tare, ob remedium peccatorum et salutem progenitorum et amicorum nostrorum, „altari in honorem Sancti Bartholomei Apostoli in ecclesia cathedrali Cracoviensi „sito et dudum per nos et nostros progenitores erecto et dotato, nostrae collationis „et praesentationis, villam nostram Podstolice in suis limitibus et graniciis prope „Cracoviam sitam, cum omnibus et singulis fructibus, reditibus, proventibus, censibus, „gaiis, rubetis, silvis, borris, mericis, agris, pascuis, piscinis, molendinis, aquarum „decursibus, utilitatibus, iuribus et obventionibus universis, nihil iuris et dominii, „duntaxat collatione et iurepatronatus ecclesiae parochialis ibidem reservato, dona „tione perpetua et irrevocabili donavimus, contulimus, incorporavimus et praesentium „tenore donamus, conferimus, incorporamus et effectualiter assignamus, novum et „alium altaristam ad dictum altare instituentes, dictam villam Podstolice cum hu- „iusmodi fructibus per dictum altaristam instituendum et alium, qui pro tempore „fuerit, habendam, tenendam, utifruendam ac libere et pacifice perpetuis temporibus

„possidendam. Cuius quidem villae ratione dotationis altarista dicti altaris et qui „fuerit pro tempore, tres missas, unam de Beata Virgine, aliam pro defunctis et „tertiam pro peccatis, ac Vigilias novem lectionum singulis hebdomadis circa prae- „ dictum altare per se, aut si ex causa legitima absens fuerit, tunc per alium pres- „byterum, in nostram, nostrorum progenitorum et amicorum salutem legere sit astri ctas et prorsus personaliter residere. Et nihilominus volumus, quod si dictus alta rista a praedicto altari sine causa legitima et speciali licentia Rectoris Studii Cra- „coviensis per duos menses absens fuerit, etiam eo detento, extunc ordinamus, quod „praefatus Rector existens pro tempore, duos viros idoneos vitae bonae, super quo „conscientiam ipsius oneramus, actu presbyteros, uni fratrum seniori de domo et li- „nea nostra Starikon proximiori ad dictum altare praesentabit, quorum unum, ex „quo visum fuerit, praefatus frater senior per suas literas praesentationis Locior- „dinario ad dictum altare investiendum praesentabit, oppositione et contradictione „fratrum minorum quacunque procul mota. In cuius rei testimonium et evidentiam „pleniorem praesentes literas scribi ac nostrorum appensione sigillorum iussimus „communiri. Actum et datum Cracoviae, ipso die Sancti Laurentii, Anno Domini „Millesimo Quadringentesimo duodecimo."

Post cuius quidem privilegii praesentationem praefatus dominus Iohannes no- minibus quibus supra, nobis cum instantia debita supplicavit, quatenus privilegium huiusmodi cum suis donationibus piis, incorporationibus, institutione altaristae, cum omnibus aliis et singulis conditionibus et clausulis in eo contentis, approbare, rati ficare et confirmare dignaremur. Nos itaque praefati privilegii et in eo contentorum serie et tenore debite masticatis et recensitis, attendentes quod iusta et praesertim pia et salubria immo et salutifera petentibus assensus denegari non debeat: domi- noium Iohannis Scolastici, Petri Subcamerarii et Petri nati sui iustas et salutiferas supplicationes gratiose amplectentes, huiusmodi privilegium donationis, attributionis incorporations, ordinationis, ac omnia alia et singula in eo contenta approbamus, confirmamus et ratificamus per praesentes, volentes et nostro medio decreto ordina rio decernentes, quatenus praefatorum dominorum pia et salubris donatio, incorpo- ratio, ordinatio, institutio et praesens nostra ratificatio illibata permaneat, roburque firmitatis perpetuae obtineat, dictusque altarista existens pro tempore omnia et sin gula dicti altaris onera et officia iuxta tenorem privilegii, sub excommunicationis poena, plenarie et sine diminutione adimpleat, praefatique domini Iohannes Scola- sticus, Petrus Subcamerarius et Petrus natus ipsius haeredes de Luczicze et ipso- nun posteri et successores nihil contra praescriptam donationem, incorporationem, praesentem nostram ratificationem, sub dicta excommunicationis poena, quam in eos est quemlibet eorum, si contra praemissa vel aliquid praemissorum fecerint, in Christi nomine ferimus in his scriptis. Et ut tanto avidius, tantoque ferventius ad venerandum devotis laudibus diem Sancti Bartholomei et aliorum Sanctorum, in quorum honorem dictum altare fundatum existit, sexus utriusque Christi fideles excitentur, universis et singulis fidelibus Christi utriusque sexus nostrae dioce sis filiis contritis et confessis, qui in die Sancti Bartholomei et aliorum Sancto rum, in quorum honorem praefatum altare insignitum est, causa devotionis ac- cesserint oraturi, pias eleemosynas largituri de collatis a Deo ipsis bonis ad sup- portanda dicti altaris officia et onera manus porrexerint, confisi de misericordi Iesu Christi, quadraginta dies de iniunctis eis poenitentiis misericorditer in Domino re

laxamus. In quorum omnium et singulorum fidem et testimonium praemissorum prae- sentes nostras conflrmationis et indulgentiarum concessionis literas scribi ac sigilli nostri appensione iussimus communiri. Actum et datum in Nova Civitate Korczyn, ipso die Sancti Bartholomei Apostoli gloriosi, Anno Domini Millesimo Quadringen tesimo duodecimo. Praesentibus honorabilibus et discretis viris dominis Michaele Scolastico Gnesnensi, Canonico et Officiali nostro Cracoviensi, Nemerza de Chrze- low, Magistro Iohanne de Falkow ecclesiae nostrae Cracoviensis Canonicis, Petro "Wolframi de Prandocin, Andrea de Slawkow ecclesiarum rectoribus et Strzeslao Cancellariae nostrae Notario.

(Ex transsumto saec. XVIII. per Sebastianum Bratkowski Notarium apo- stolicum exarato.)