Wij Lodewijc, graue van Vlaendren, hertoghe van Brabant, graue van Neuers, van Rethers ende here van Machline, doen te wetene alle (lieden, dat wij) vte goeder jonsten, die wij hebben tonsen gheminden neue jonchere Janne van Erkle, here van Haghensteyn, ende te dien hende dat (hij) ghehouden zij ons voordane wel ende ghetrauwelike te dienne zun leuen lanc, hebben hem ghegheuen ende gheuen bi desen letteren den ... viere hondert pond par. siaers onser munten van Vlaen dren, ende hebben hem die bewijst te heffene ende tontfane, als langhe als (hij leeft), elx jaers vp den ontfanc van onsen tholle van Andwerpen te tween paiomenten, dats te wetene, dene helt vander vors. somme te zinte (Jans) daghe mids zomers ende dander helt te Kerstdaghe, daerof teerste paie ment zun sal in zinte Jans dnghe eerst commende, ende also voort (van) termine te termine zun leuen lanc, om die te houdene bi hem in enen manscepe ende leene van ons, onsen hoire ende naercommers, grauen ende grauinnen van Vlaendren, daer of hi ons mansceep ghedaen heift, ter welker mansceep wij hem ontfaen hebben, ende heift ons gheloeft bi trauwen ende bi eede te dienne wel ende ghetrauwelike ende al te doene, dat een ghetrauwe man van leene sculdich es te doene, ieghen allen heren, vteghesteken den hertoghe van Guilke, den hertoghe van Brabant, den hertoghe van Ghelre, den graue van Holland ende den bisscop vau Vtrecht, ghelijc dat zine letteren bese- ghelt met zinen propren seghele, die wij tonswaert hebben, wel verclaren. Ombieden ende beuelen onsen tholnaers van And werpen , diet nu zun of namaels wesen sullen , dat zij den vors. jonchere Janne van Erkle betalen ende vernoughen vander vors. somme ten paiementen vors. zun leuen lanc, ouernemende co pie van desen letteren ten eorsten paiemente onder zeghel auten- tijc ende tallen paiementen quijtsceldinghe onder zinen seghel, mids welken ouergheuende wij willen ende ombieden onsen lieden van onser rekeningheu, diet nu zun of namaels wesen

Sß

sullen, dat zij onsen vors. tholnaers abe vele ofslaen in hare

rekeninghen, want wij ouer ons, onse hoir ende naercom-

mers, grauen ende grauinnen van Viaendren, hem willen onse

presente ghifte wel ende ghetrauwelike gbehouden wesen zun

leuen lanc, sonder verbreken of derieghen te ghane in enegher

manieren. Bi der orcontseepen van desen letteren beseghelt met

onsen seghele. Ghegheuen te Machline den neghentiensten dach

van Nouembre, jnt jaer ons Heren M.CCC. neghene ende zeuentich.

Op den rug staut. het volgende: Bi miin here bi monde present

den here van den Grnuthuse ende m. Willem van Reingher-

suliete.

Get. Josse. Bet zegel verloren.