Alle den ghenen, die desen brief sellen zien of hoeren lesen, doe je verstaen Heynric van Aemstelle, canonic tonser Yrou- wen tot Maestricht, dat ic ontvanghen hebbe by hande heren Aernouds here van Yselsteyne, mijns neuen, van Willam Otten zoen, zes opene brieue. Jn den eersten enen brief van dertich ponden siaers voer tollen van Huesen; voert enen an dren brief van den nere van Cuke van enen zegghen tusschen Johan van Aemstelle, aen die ene ziede, ende Aertnoud van Waly ende Thoniis van Boninchen, aen die ander ziede; voert den derden brief sprekende van vier ende tneghentich merghen ghemeynten, gheleghen jnt gherichte van Droemel, die Otte van Sconenberch, op die thiit ambochtt man, bezeghelt heeft; voert den vierden brief, den die zelue Otte bezeghelt heeft, sprekende van taghtentich ponden gheleghen in den zeluen gherichte van Droemele; voert den vijften brief, een wtscrijft van sheren zegghen van Cuke voerscreuen, die een cappellaen van Os beseghelt heeft; voert den zesten brief, een wtscrijft dat die proestt van Zettven bezeghelt heeft, sprekende van vijftich ponden, die die her Herman van den Velde den here van Aemstelle bezette heeft. Jn orconde des briefs be seghelt mit minen zeghele. Ghegheuen jnt iaer ons Heren

dusent driehondert vijf ende viertich, op zente Bonifaes dach. Het uithangend zegel verloren,