+ In nomine domini vicesimo tertio anno principatus domni nostri guaimari gloriosi principis, Mense Ianuarius, decima indictione. brebem emissum a me petrus presbiter et rector ecclesie sancti martini, que guaiferius comes a nobo fundamine construxit in rebus sua ulter flubium qui dicitur lirinu, propinquo carnaria uius civitatis, eo quod ante aydolfo et astolfo et gysolfo germani filii guidoni, qui sunt dominii de ipsa ecclesia, et subscripti testes, per bona conbenientia guadia michi dedi iohannes filius petri, et mediatorem michi posui seipsum; et per ipsa guadia obligavit se et suos filios et heredes tali ordine, ut amodo et usque duodecim anni conpleti sue potestatis tenere due pecie de terra, quod pars ipsa ecclesia abet in locum campilianum salernitanis finibus: una ex ipse pecie de terra bacua et cum castanei quod ex omni parte coniuntum est at fine rebus ecclesie per hec mensuria. A pars hoccidentis passi quindecim: A septemtrion passi decem: Ab orientem passi sedecim: A meridie passi quindecim: ipsa alia pecia est cum vinea et bacuum et cum arboribus similiter de ex omni parte coniunta est at rebus ipsius ecclesie per hec mensuria. A pars orientis inde passi decem et hocto: A pars septemtrion passi quadraginta duo: Ab occidente passi biginti quattuor: A meridie passi quadraginta quattuor. Tote mensurate at iusto passum homini per iste finis et mensurie inclitum illut tenere et dominare cum vice de via sua, et fobee et omnis sue utilitatis iusta, ratione ibidem facere, et tote illut pastenare arbusto vitatum de vono bitineo seu poma; et dum ipsa vinea ibidem incolumem steterit, illis eam laborent, et quantum vinum annualiter ibidem fecerit, deant inde michi vel in pars ecclesie inclita medietate, et medietatem inde sivi abeant, et omnes poma et nuci et castanee exinde annualiter temporibus suis colligant, et tertiam partem inde nobis deant, et due sortis inde sivi abeant, et quod ibidem seminaberint, similiter deant inde in pars ecclesie tertia parte, et due sortis inde illis sivi abeant; et a quo ipsa vinea illis inde apsciderit, quantum vinum de ipso arbusto exierit annualiter, deant inde nobis vel in pars ecclesie tertiam parte, et due sortis abeant sivi; et per omnes annos faciant me vel pars ecclesie scire, ut ibidem dirigamus missum nostrum pro recipiendam ipsa nostra sortione de ipso vinum, et bittum et poma, et illis eum nutrient ipsum missum nostrum, dum ibidem steterit pro ipsa nostra sortione recipiendum, sicut et illis bixerit, et nos demus eorum organeum bonum da vinum, et illis eum concient bonum annualiter, et reponant illis ibidem ipsa nostra sortionem de ipso vinu in casa, quod pars ecclesie ibidem abet. At conpleti vero ipsi duodecim anni abeant ipse iohannes vel eius heredes in tote ambe ipse pecie de terra intro ipsa mensuria arbusto factum vitatum de vono bitineo, et cultatum et operatum, sicut decet de tantos annos et locus ipse meruerit, ut bene pareat factum, vitatum, et operatum, et cultatum, seu et poma, et amodo et usque ipso constitutum nos illut eorum defensemus cum vice de via sua da omnes homines omnique partibus, et non antea ipso constitutum eorum tollere aut contrare querat, et iam in antea omni tempore arbusto ipso temporibus suis illis laborent annualiter de super et de suptus, sicut meruerit, ut bene pareat laboratu, et ubi meruerit, astas ponere et bites traere, et curam et vigilationem inde abere, et salvum illut facere; et per tempore de vindemie faciant me vel pars predicte ecclesie scire, ut dirigat ibidem missum nostrum pro recipiendum ipsa nostra sortione de ipso vinum, et illis arbusto ipso temporibus suis vindemient, et omnis vinum et poma exinde in tertiam parte illut divida11divida: dividant. cum ipsum missum nostrum: nos tollamus inde 1divida: dividant. tertiam parte, et due sortis inde sivi abeant, et per illis siant organeum ipsum conciatum bonum annualiter, et reponant illis ibidem in ipso organeum in domum ipsum, quod nos ibidem abuerimus, et de quod ibidem seminaberit, similiter deant nobis vel in pars ecclesie inclita tertiam parte, et due sortis inde sivi abeant, et ipsum missum nostrum illis eum nutrient, sicut superius diximus; et si da ipso constituto in antea ipsa tradictio in supradicto ordine tenere illis noluerit, inclita ipsa tradictio perbeniant ad potestatem prefate ecclesie; et si de hac terra salernitana exierit pro aliubi ad abitandum, aut si tale culpa fecerit, ut publico cecidere debuerit, similiter inclita tradictio rebertat at potestate ecclesie; et si usque tribus anni hic rebersi fuerit ad abitandum, aut si de ipsa culpa at gratia perbenerit, et ipsa rebus in supradicto ordine tenere boluerit, inclita supradicta tradictio perbeniant at illorum potestatem, at abendum in illo ordine et ratione, sicut superius diximus: tantum si ipsa rebus laborata fuerit ipso anno, tollat sivi ipse homo qui ipso anno laboraberit, ipso vinum, sicut meruerit, et sic rebertat ipsa rebus at illorum potestate, et nos illut eorum defensemus a omnes homines, sicut eorum brebem continet. Si autem, sicut dictum est, taliter omnia suprascripta in pars ecclesie non adinpleberit et aliquit inde contradixerit, per ipsa guadia obligavit se et suos filios et heredes componere in pars ecclesie biginti auri solidos constantinos. Et hunc brebem scribsi ego iaquintus notarius qui interfui. + Ego cachino + ego feri diaconus.

Source Fulltext: Codex Diplomaticus Cavensis, vol. CDC.004, -, Estratto da ALIM