+ In nomine domini nonodecimo anno principatus domni nostri gisulfi gloriosi principis, mense iulius, tertiadecima indictione. Ego guisenolfus filius quondam alphani dum dei fabente clementia te gemma nomine filia landoni de nucerie in meoque sociabit coniugio, et ac die nubtiarum nostrarum, ante ydoneos omines per unc scriptum morgincap, secundum legem langobardorum regum edictum scriptum, do tibi nominate coniugi mee integram quartam partem de omni rebus et causam meam stabilem et mobilem, quod modolibet abiturus sum, seu quod est paterna maternaque substantia, et que legibus michi est pertinentes et fuerit habere de totum tibi nominate coniugi mee integram quartam partem tibi tradidit, ea ratione, ut semper sit in potestati tue et de tui eredes faciendi, secundum supranominatam legem langobardorum regum edictum, omnia que volueritis, et neque a me guisenolfus biro tuo, neque a meis eredibus, aut cuiquam ominibus abeatis aliquam requisitionem aut repreensionem, set in perpetuis temporibus tu et tui eredes securiter et firmiter illut abeatis et possideatis, et faciatis de ea secundum legem langobardorum regum edictum quicquit volueritis, sicut superius scriptum est. quod vero scriptum morgincap te petrus protonotarius scribere rogabimus. Actum nucerie. + Ego guandelferi. + Ego iohannes.

Source Fulltext: Codex Diplomaticus Cavensis, vol. CDC.008, -, Estratto da ALIM