+ In nomine domini, septimo decimo anno principatus domni nostri gisulfi gloriosi principis, mense decembri, duodecima indictione. Ante me siconem comitem et iudicem melus filius angeli abbatis, et desideus filius quondam romoaldi affuerunt, et per ipsum melum ostensa est una cartula, que continebat: In nomine domini, septimodecimo anno principatus domni nostri gisulfi gloriosi principis ...... iudicem iohannes filius quondam romoaldi coniunctus est cum melo genero suo filio angeli abbatis, et ipse iohannes clarificavit se habere integram medietatem in parte occidentis de terra, in qua potechis facte sunt, que est foris hanc a deo conservatam salernitanam civitatem prope porta, que rotensis dicitur per fines: A parte septemtrionis finis via que ducit ad ipsam portam: A parte occidentis finis extrectolam, que intrat in diffusurio, que decurrit intra hanc civitatem. A parte meridie finis muro istius civitatis. A parte orientis finis turrim istius civitatis, et qualiter rectum vadit usque in suprascriptam viam, et dixit ipse iohannes iamdictam terram per iamdictas fines divisam habere cum desideo fratre suo in duas sortes ad equale mensura iuxta ipsam viam et iuxta memoratum murum; et de longitudine quantum est ab ipso muro usque in ipsam viam. Et sicut ipsi iohanni congruum fuit bona sua voluntate per convenientiam per hanc cartam donavit ipso melo pro parte gemme filie sue, que est uxor ipsius melis, integram ipsam medietatem, sicut suprascriptum est in parte occidentis de integra supradicta terra per iamdictam finem, quam ei in sortem evenit ab ipso desideo germano suo, cum omnibus que intra ipsam medietatem sunt cunctisque suis pertinentiis et cum vice de ipsa via. Ea vero ratione ut semper sit in potestate ipsius gemme et liberorum eius, et liceat illam et liberos suos ex eo facere quod voluerint. Et propter confirmationem huius donationis ipse iohannes per convenientiam pro parte ipsius gemme launegilt ab ipso melo suscepit, secundum langobardorum regum edictum grosinam unam in omni deliberatione; Et per convenientiam ipse iohannes guadiam ipsi melo pro parte ipsius gemme dedit et fideiussorem ei pro illius parte posuit ursum clericum filium quondam truppoaldi. Et per ipsam guadiam ipse iohannes ...... suos heredes semper defendere ipsi gemme et liberorum eius integram suprascriptam donationem, quemammodum supra legitur, ab omnibus hominibus: Et forsitans ipse iohannes ...... sicut suprascriptum est, ipsi gemme et liberis suis minime defendere potuerint, tunc sicut in ipsum regum edictum de dono et suscepto launegilt scriptum est .... Et ipse iohannes tribuit ipsi melo licentiam, ut quando ipsa gemma et liberos suos voluerint, potestatem habeant suprascriptam donationem per se defendere, qualiter voluerint cum omnibus muniminibus et rationibus quas de ea ostenderint. Et si sicut suprascriptum est ipse iohannes et alios suos heredes ipsi gemme et liveris suis non adimpleverint, et suprascripta vel ex eis quicquam removere aut contradicere presumpserint, per ipsam guadiam ipse iohannes obligavit se et alios suos heredes componere ipsi gemme et liberis suis centum auri solidos constantinos, et sicut superius scriptum est adimplere. et ipse melus suprascripta peregit per ipsius genitoris sui absolutionem. et taliter tibi iohanni notario scribere precepi. ego qui supra petrus iudex. Et cum suprascripta cartula fuit ostensa ipse melus pro parte ipsius gemme uxoris sue causatus est cum ipso desideo, ut ipse desideus malo hordine introisset in ipsam medietatem, que sibi pro parte ipsius gemme uxoris sue de tota suprascripta terra cum ..... per suprascriptas fines in ipsa parte occidentis per ipsum iohannem donata est, sicut eadem carta continet, et in ipsa terra foveas fecisset, et de casa que in ipsa medietate est disturbasset et scindisset …. lignamina de ipsa casa erecta malo hordine tulisset et tignos eidem case incidisset, et alias res mobiles ipsorum meli et gemme pertinentes malo hordine ...... casa ipsi gemme contrasset. Ipse desideus respondit talia se minime fecisse. Ego autem sicut inter eos convenit iudicavi et illos guadiare feci ...... sancta dei evangelia, et ipse desideus secundum legem per sacramentum ad ipsa evangelia ipsi melo iuret, ut in ipsa medietate ex ipsa terra cum potechis, que casa est, que eidem melo pro parte ipsius gemme per ipsum iohannem, sicut suprascripta carta continet, per suprascriptas fines donata est, malo ordine non introisset, nec foveas in eis fecisset aut de ipsa casa disturbasset et scindolas et alia lignamina ex ipsa erecta casa non tulisset, nec tignos ex ipsa casa incidisset vel alias res mobiles ipsorum meli et gemme pertinentes malo hordine tulisset, nec ipsam terram et casam ipsi gemme contrasset Et per partes inter se posuerunt fideiussorem iohannem qui donum dei dicitur filium quondam gregori clerici et medici. Verumtamen quoniam superius inter virgulas scriptum est: vero. Et taliter pro parte ipsius melis te romoaldum notarium scribere precepi. et suprascripta fecit cum licentia ipsius genitoris sui. + Ego qui supra sico comes et iudex.

Source Fulltext: Codex Diplomaticus Cavensis, vol. CDC.008, -, Estratto da ALIM