+ In nomine domini quartodecimo anno principatus domni nostri Gisulphi gloriosi principis, mense aprili, hoctava indictione. Memoratorium factum a me urso de maria, eo quod subscribendis testibus per convenientia tradidit michi ad tenendum et residendum iohannes clericus et abbas ecclesie sancte marie, que constructa est intra hanc salernitanam civitatem, ubi lama dicitur, terra cum casa fabricata et lignea pertinente ipsi ecclesie, que est per fines et mensuras, iusto pede manus hominis mensuratas. A parte septemtrionis est finis platea, et pedes tridecim et medius. A parte occidentis finis tabolicium de casa pertinente ipsi ecclesie, et pedes tridecim: A parte meridie finis ipsius ecclesie, et pedes quattuordecim et medius. A parte septemtrionis anditum ipsius eeclesie, et pedes alii tridecim et medius; et a foras ipsas mensurias in ipsa parte septemtrionis ipsa casa mineaneum et scalam ligneam habet, et a foris ipsis mensuriis stillicidia ipsius case fluere debet predicta terra et casa per supradictas fines et mensuras cum ipso mineaneo et scala et stillicidiis suis foris ipsis mensuriis cecidentibus, et qualiter conciata et edificata est, ipse abbas una cum voluntate heredum iohannis comitis, filii mansonis castaldi, et domni guidonis serenissimi ducis, quibus ipsa ecclesia pertinet, michi tradidit: Tali hordine, ut ab istis kalendis magii mensis in antea usque viginti anni completi, predicta tradictio ego et mei heredes, quos ibi ad res dendum miserimus, nostra potestate teneamus, et in hea resideamus et avitemus, et omnes nostras utilitatis iuxta ratione ibi faciamus, et frudiamus ad residendum illam demus ipsa casa per annum quando meruerit cooperiamus, et ipsud mineaneum conciemus, qualiter voluerimus, et quodcumque censum usque ipsum constitutum ex hea tollere et habere potuerimus, totum nobis habeamus. Tantum omni anno usque ipsos viginti novem annis completi in kalendis magii mensis ego et mei heredes demus ipsi abbati, vel partibus predicte ecclesie, duos auri tarenos bonos. Completis vero ipsis viginti novem annis, liceat me et meos heredes, et homines quibus illud ad residendum dederimus, inde exire cum omnibus nostris causis movilibus, et integram ipsam casam coopertam et salvam cum ipsa scala lingnea remictamus in partibus predicte ecclesie, ad faciendum ex hea, quod voluerit; et per convenientiam guadiam mihi ipse abbas dedit et fideiussorem michi posuit radoaldum filium quondam iohannis, et per ipsa guadia ipse abbas obligavit se et successores suos, et pars supradicte ecclesie, usque ipsos viginti novem anni completi predicta tradictione, quemammodum superius legitur, michi meisque heredibus et homnibus, quibus illud ad residendum dederimus, defensare cum vice de ipsa platea et andito ab omnibus hominibus, et in antea ipsum constitutum querant illam nobis tollere aut contrare. Et si, sicut superius scriptum est, illud nobis non defensaverimus, et suprascripta vel ex eis quicquam removere aut contradicere presumpserint, per ipsam guadiam obligavit se ipse abbas et successores suos, et pars supradicte ecclesie componere michi meisque heredibus, et cui hoc scriptum in manu paruerit, triginta auri solidos constantinianos. Verumtamen hoc memoramus, quia illud parvum quod superius distractum est, legitur: tarenos bonos, et in alio loco: cum ipsa scala. Taliter scripsi ego grimoaldus notarius. + Ego qui supra iohannes clericus et abbas. + Ego petrus notarius me subscripsi. + Ego alderissi notarius me subscripsi.

Source Fulltext: Codex Diplomaticus Cavensis, vol. CDC.007, -, Estratto da ALIM