|N001|Ich Hainreich Grozz, schulthaizzer, und wir, die scheppfen der stat ze Nürnberch veriehen offenlichen |N002|mit diesem brif, daz der veste ritter her Hainreich vom Wildenstain veriehen und bechant hat ze Nürnberg |N003|in offem rat, daz in der erberge und weise her Witiche, lantschreiber in Beyern, beriht und bezalt |N004|habe fünf tawsent geschok und ahtzig geschok behaimischer grozzen von dez allerdurhleuhtigsten |N005|fürsten wegen unsers genedigen herren, hern Karls, dez romischen kaysers und kunges ze Behaim, |N006|der er in bezalt habe umb die vesten ze dem Rotenberg, alz ain kuonig zu Beheim. Und derselbe |N007|her Hainreich vom Wildenstain sagt auch für sich und alle sein erben den vorgenanten unsern genedigen |N008|herren, den romischen kayser als ainen kuonig von Behaim, darzu alle sein erben und nachkumen, |N009|darumbe ledig und loz, also daz derselbe her Hainreich vom Wildenstain und sein erben dehain vorderunge |N010|noch ansprach darnach nimmer gehaben noch gewinnen sullen furbaz ewiglichen genczlich on geverde. |N011|Mit urkunde dicz brifes, der mit urtail geben ist, versigelt mit unsers gerihtz anhangendem in¬ |N012|sigel. Dez sein zeug die ersamen manne Ulrich Stromair hern Conrats sun, Berhtolt Tucher und Berh¬|N013|tolt Pfinczinch , sein aydem, Hainreich Gewder und Seicz Holczschuher. Der brif ist geben an dem |N014|samstage nach dem heiligen ostertagen nach Gotes gepurt drewzehenhundert iar und in|N015|dem sehtzigstem iar .