|N001|Wir Boemund von Gots gnaden, erczbischoff zu Triere, des heiligen Romischen richs durch Welschelant und dez kungrich von Arelat ertz|N002|canceller¬ , bekennen und tun kunt offinlich mit diesem briefe allen den, die yn sehent odir horen lesen, wann vormals die stat ze Eger |N003|mit dem lande und die vesten Flozz und Parkstein mit yern zugehorungen den hochgeboren kunigen zu Beheim, und der cronen desselben |N004|kungreichs vor virczigtusent marcz lotiges silbers von wegen des heiligen Romischen riches zu rechtem pfande vesetzer sin, und wann |N005|wir und anderen unsir mitkurfursten mit warhaftiger kuntschaft wol undir wiset sin daz Flozz vesten, und waz dorzu gehoret des kung¬ |N006|riches zu Beheim rechtes eygen ist, und von unwizzen und irresal dem egenanten kingrich zu Beheim zu pfande worden ist in der wise als |N007|unsir und anderen unsir mitkurfursten briefe, die wir doruber geben haben volkomenlich ist begriffen, dovon und uff die rede, daz die hochge- |N008|born kunige zu Beheim und die crone desselben kungriches in der pfantschaft ungehindirt verliben sint, dem male daz Flozz als |N009|vorgeschriben ist ir rechtes eigen ist und dorumb ir pfant nicht gewesen mag, so meinen sprechen und lutirn wir mit wolbedachtem |N010|mute als ein kurfurste des heiligen riches und durch Welschelant und daz kungrich von Arelat ertzcanceller, daz die obgenante hochgeborn |N011|kunige zu Beheim, ir erben und nachkomen eweclich und die crone desselben kungrichs ze Beheim, die obgenanten vierczigtusent mark |N012|lotiges silbirs uff der stat zu Eger und dem lande und auch uff der vesten Pargstein und yren zugehorungen haben sullen, als die pfant¬ |N013|briefe sagen, die von des Romischen richs wegen doruber geben sint glicherwis als ob Flozz in der egenanten pfandunge nie benenner were. |N014|Mit urkunt ditz briefs versigelt mit unsirm insiegel, der geben ist zu Triere nach Cristus geburt drutzinhundirt jar, dornach in dem|N015|acht und funftzigstem jar an sant Marien Magdalenen tag .