|N001|Wir Stephan von Gots gnaden pfallenczgrafe bi Rein und herczog in Beyern, bekennen offenlich und tun |N002|kunt allen den, di disen brief horen, sehen odir lesen, daz wir dem alleriduchtigstein fursten und |N003|herren, hern Karlen romischem kunge ze allen zeiten mererer des reichs und kunge ze Beheim, unserm lieben gnedi¬ |N004|gen herren, und dem hochgebornen fürsten, hern Johansen marggrafen ze Merhern, unserm oheim, iren erben und |N005|nachkomen, kunigen ze Beheim und marggrafen ze Merhern, gelobt haben und geloben auch fur uns, un¬ |N006|sir erben und nachkomen ewiclichen in guten trewen on geverde, daz wir in iren landen und herscheften, |N007|wo sie di habent, dheine vesten, stat odir gut koufen noch dheinen man, der in iren landen gesezzen sei, |N008|zu diener emphahen wellen oder sullen, ez were danne, das si uns das mit guten willen gunnen wolten. |N009|Und das selbe sullen die egenanten unser herre der kunig, der marggraf ze Merhern, unser oheim, |N010|ir erben und nahkomen, kunig ze Beheim und marggrafen ze Merhern, gen uns, unsern erben und |N011|nachkomen, herczogen in Beyern, ze tun pflichtig sein geleicher weiz, als vor begriffen ist. Mit urkund dicz |N012|brieves versigelt mit unser ingesigel, der geben ist ze Peyse am mantage vor sant Gergorii tag des|N013|heiligen lerers nach Christes geburd dreuczehen hundert jar, darnach in dem funf und fumfczigstem jar .