|N001|Wir Ruprecht der Junge von Gotz gnaden pfalentzgrave an dem Rin, dez heiligen richs oberster|N002|thruses und hertzog in Beyern , bekennen uns offenbar an disem briefe, daz wir uns erkant |N003|haben und bekennen uns auch mit disem briefe, daz die burg genant der Sthörenstein und |N004|die stat genant die Nuwenstat und allez daz, daz dar zu gehort, erbeliche und eweclich |N005|sin sol unsers gnedigen herren, dez allerdurchluchtigisten hern Karl dez romischen kuniges und|N006|kunig zu Beheim , und siner erben also, daz die vorgenante burg und stat und waz |N007|dar zu gehort eweclich zu der cronen zu Beheim gehoren sol, und verczihen für uns und |N008|alle unser erben, aller der rechte und aller der ansprach, die wir oder unser erben an |N009|die vorgenanten burg und stat gehaben mochten. Und dez zu urkunde so gebin wir unserm |N010|vorgenanten gnedigen herren, sin erben und der cronen zu Beheime disen brief, versigelt mit |N011|unserm hangenden ingesigel, der geben ist zu Mentze an dem mantage nach sant Thomas|N012|tage dez jars, doman zcalt von Cristes geburt drutzehen hundert jar in dem dritten|N013|und funftzegistem jare .