|N001|Wir Ruprecht der Junger, von Gots gnaden pfallentzgrafe bei Rein und hertzog in Beiern, bekennen und tun kunt offenlich |N002|mit diesem brieve allen den die in sehent oder horent lesen, daz wir wollbedachtem mute, mit rate unser freunde und |N003|auch mit rechter wizzen des allerdurchluchtigsten fursten und herren, hern Karls, romischen kunigs, ze allen zeite merer des reichs|N004|und kunigs zu Beheim , unsers lieben gnedigen herren, die nachgeschriben vesten Hoenstein und die merkte Hersbrucke und |N005|Aurbach, die von dem heiligen reich lehen sint, mit allen rechten, herscheften, nutzen und zugehorungen, wie man die benen¬ |N006|nen mag, dem kunigrich und der cronen zu Beheim zu rechtem erbe und erblehen recht und redlich verkauft haben |N007|in aller der mazze, als die obgenanten vesten, merkte und ire zugehorungen nach tode seliger gedechtnuzze dez hochgeboren |N008|fursten, hern Rudolfs etwenne pfallenczgraven bei Rein und herczogen in Beiern, unsers lieben vettern, auff uns vervallen |N009|waren, und als in briven, die wir daruber geben haben, ist vollen kumelich begriffen. Dovon bitten wir den obgenanten unsern |N010|herren den romischen kunig, daz er mit romischer kuniglicher macht denselben kouff geruche zu bestetigen und die selben |N011|vesten der cronen und dem kunigrich zu Beheim zu rechtem erbe und erbelehen machen und verleihen wulle. Mit urkund |N012|dicz brives, versigelt mit unserm insigelm, der geben ist ze Hagenow nach Cristus geburt dreitzehen hundert und in dem|N013|dreu und funftzigstem jar, dez nechsten dinstags nach aller heiligen tag .